Rock On 2 tangokdang Shraddha Kapoor yiruogo

October 21, 2015: Rock On 2 tangoktsü atema tawa actress Shraddha Kapoor Shillong-i oa liasü, ajisüaka la tenük yiruba ajaga kidangi meyipa aruogo, ta osang ka ajanga ashi.

Osang ajanga ashiba agi, actress Kapoor Shillong-i aotsü asoshi kanga yongyaa liasü ajisüka la tenük yiruba tamajungba akumba ajanga meyipa arutsüsa akum.

Kapoor ji Shillong nung aliba tenük Specialist ka dangi anir ao, aser doctor ba jagi la tenük nung aliba cornea yirua lir ta ashi. Ajisüaka mapang shia tenük ashiba ajanga film Producer Ritesh Sidhwani-i la dang Mumbai-i meyipa oang ta ashi.

Mumbai atongba sülen lai tenük Specialist ka ajurua liasü aser tang tajungba lir, anungji kobii melii tanaben film tangokba nung shilem agitsü imlar.

“Kü tenük nung langka yima arur yimok, ibaji ajanga tenük kanga ashi. Shillong nung tenük specialist ka nem reprangdaktsüdang iba jagi kü ‘cornea’ yirutsüba jangja, anungji ibaji telung yiruba ka liasü aser tekarateiba nung yaitsüsa akum,” t alai ashi.

Tia kaa anogo ishika film metangoktsü liasü, iba yongji ni Mumbai-i meyipa aruteta kü tenük doctor nem reprangdaktsü. Kobi melii ni Rock On 2 telok den densemtsü,” ta Shraddha Kapoor-i ashi.