‘Rocky Handsome’ film 2016 küm sayatsü

Mumbai, September 07 (Agencies): Bollywood actor, John Abraham aser Shruti Haasan nati tongti shilem agiba film, ‘Rocky Handsome’ 2016 küm February ita sayatsü sentong renemogo.

2010 küm yangluba Korea nunger ‘The Man from Nowhere’ film nungi ajizüka yangluba ‘Rocky Handsome’ action film ya ‘Drishyam’ film direct asüsang, Nishikant Kamat-i direct asüba osang jangjaogo.

India kübok Goa, Mumbai aser Pune nunger nung tangoka yangluba ‘Rocky Handsome’ film nung action jenti adenba den külemi, jala ka danga maliba tebu ka aser tebu memetetba arishi küm 7 tain tetsür chanu ka na den sentakba otsü nung ajemdaker yangluba film ka lir.

Arishi küm 29 tain Shruti aser arishi küm 42 tain Abraham nati tesüsa ‘Welcome Back’ film nung aroki shilem agia lir.

‘Rocky Handsome’ film ya JA Entertainment Pvt Ltd aser Azure Entertainment nati aroki lungjemer produce asütsü renema lir.