Rody H Vanlalhriatpuii nem Miss Mizoram korang semtsü

Aizawl, March 14 (Agencies): Rody H Vanlalhriatpuii nem Miss Mizoram 2017 korang semtsüogo aser la ya south Mizoram nungi iba tetoktepba nung temaba jenjang angur mezüngbuba lir.
Rody nem iba korang ya Femina Miss India 2016, Priyadarshini Chatterjee-i semloktsü. Iba tetoktepba sentong ya Mizoram University indang Multipurpose Hall nung agi.
Rudy-i Miss Talent, People’s Choice aser Best Gown sempet tema angu aser final nung tokteper 16 rong nungi la shimtet.
Vanlalhriatpuii ya Lawngtlai jila nungi lir aser lai sen lakh 1 den sempet aika agizük. Rody ya Mizoram University nungi Social Work nung master degree ngua lir aser lai college azüngba mapang nungi iba amala tetoktepba nung shilem agitsü kanga jangra liasü.
Lai Mizoram University tenüng nung shilem agiba mapang Miss Zirtirt Residential Science College aser Alcheringa Festival, Guwahati nung Best Female Model sempettem agizüka liasü.
Miss Mizoram shimba sentong ya Mizoram Journalists Association ajanga 1984 küm mezüng ayongzüka liasü aser küm ter shi lir iba tetokteoba ya hopta shia adokba osangkaket ‘Lelte Weekly’ ajanga ayongzük.
Küm toku lir Miss Mizoram shimba sentong ya 2014 küm Aizawl nung ayongzük aser küm asem lir iba shimba sentong ya Zonet Cable TV Pvt Ltd ajanga taküm nungi ayongzüker.