Roger Federer-i ita 1 shi tennis masayatettsü

Basel, February 03 (Agencies): Switzerland nunger tennis asayar mongin, Roger Federer-i ita ka shi tennis masayatettsüsa akümba osang ka metetdaktsüogo.
Tebur World No.3, Federer tawa tembangba Australian Open semifinal nung tetsüng yiruba sülen pa temokok operation agiba ajanga pai ita ka shi tennis masayatettsüsa kümogo.
“Ni yashi, Mongolbar nü temokok operation ozü Switzerland nung agiogo aser iba yongji ni tan February ita tatembanglen asayatsü ayongba Rotterdam aser Dubai Championships na nung shilem magitettsüsa akümer,” ta arishi küm 34 tain Federer-i tanü metetdaktsü.