Rogers Cup: Johanna Konta quarterfinal-i iogo

Toronto, July 29 (Agencies): Britain’er tetsür No. 1, Johanna Konta-i America tsür, Varvara Lepchenko madak takok ngua, tang tasayadak Rogers Cup tetsür singles quarterfinal asayatsü jenjang yashi, Brehostibar nü ajangzükogo.
Tetsür World No. 14, Konta-i minute 67 nung points 6-3 6-2 ngua, Lepchenko tsükdaktsü.
Arishi küm 25 tain Konta-i Slovakia tsür, Kristina Kucova den quarterfinal asayatsü lemzükogo.
Arishi küm 26 tain Kucova-ia tanü points 3-6 6-4 6-3 ngua, Canada tsür, Eugenie Bouchard madak takok ngua liasü.
America tsür, Madison Keys-ia tanü points 6-1 6-7 (2-7) 6-3 ngua, World No. 6, Venus Williams madak takok anguba osang jangjaogo.
Tebur singles shilem nung World No. 1, Novak Djokovic-i points 6-2 6-4 agi Czech Republic nunger Radek Stepanek tsükdakja quarterfinal asayatsü jenjang nguogo.
Serbia nunger Djokovic-i tebur World No. 8, Czech Republic nungersa, Tomas Berdych den quarterfinal nung ajuruteptsü.
Canada nunger Milos Raonic-ia points 6-2 6-3 agi America nunger Jared Donaldson tsükdaktsüba sülen France nunger Gael Monfils den quarterfinal asayatsü jenjang ajangzükogo.
Monfils-ia points  7-6 (7-5) 2-6 6-4 agi Belgium nunger David Goffin 3 buba round nung tsükdakja quarterfinal-i aiba osang jangjaogo.