Rohingya nunger 23 Myanmar-i meyipa yoktsü

Guwahati, Mongputeni (October) 9 (Agencies): Rohingya nunger 7 Myanmar-i meyipa yokba sülen Centre sorkari ano Rohingya nunger 23 yoktsü atema mapa inyakdar.
Rohingya nungertemji Assam kübok detention camps 3 nung puoka lir.
Rohingya nunger 23 indang maitsü jangjaogo aser kobi melii parnok meyipa yoktsü ta osang ajanga ashir.
Par 23-ia parnok senso indang kuli agütsüogo aser Myanmar sorkar danga iba osang shiogo.
Ozüng alema aruba Rohingya nunger 23 ji Silchar, Goalpara aser Tezpur detention camps nung puoka lir.
Rohingya nunger teimba puoka alibaji Tezpur nung lir ta osang ajangasa ashi.
Parnok indang home address dak sendakba kulikakettem Ministry of Home Affairs aser Ministry of External Affairs ajanga Myanmar ketdangsertem den jangjatepogo ta osang ajangasa shisem.