Rohingya nunger million ka tema lir : Bangladesh

Cox’s Bazar, Jan 17 (Agencies) : Myanmar den arrtsülen Rohingya nunger refugee-tem millon ka dak tema camp balala nung anenzüka lir, ta Bangladesh sorkari metetdaktsüogo. Parnok tenüng züluokba mapang taoba nung apidangba dang nungi teimba liasü ta kuli ngutetogo.
Myanmar nungi Rohingya nunger lokti tulu pakokba sülen taoba küm nungi Bangladesh army-i parnok tenüng züludena arudagi.
Küm ana tsüngda nungsa parnokji meyipa yoktsü asoshi Myanmar sorkar den hai-aura katepogo anungji taruba hopta nungi tenzüka parnokji meyipa yoktsü bilemdar, ta Bangladesh-i metetdaktsüogo.
“Tang tashi nung onoki Rohingya nunger 1,004,742 tenüng züluokogo. Parnok nem biometric registration card agütsüogo,” ta Bangladesh army nungi brigadier general Saidur Rahman-i ashi. Paisa ashiba agi, ano meyi aika tenüng züluoka mali.