Roko Angami-i sangken ka tenla agütsü

Kohima, Mongputeni/October 22 (TYO): Nagaland nung aremshiruru wazüka ayutsü nükjidong nung nüngtugu football asayar Roko Angami-i Tentonü state wildlife division, Blyth’s Tragopan Conservation & Breeding Centre, Kohima nung sangken tulu ka agütsüogo.
Sangken tenla agütsüba sülen osangbenertem den sensaksemba mapang Roko Angami-i (Nagaland Football Coaches Association tir) ashiba agi, pai iba sangken ya Kohima district kübok Zhadima yimtsüng nung par alu nung apu. Iba sangken ya seret 2.5 aser tar 3.4 talang lir.
Sangken agizükba sülen Forester-I Kohima, Kiukhenshi S. Yimchunger-i ashiba agi, iba shiruru ya tekaratiba nung Nagaland Zoological Park, Rangapahar Dimapur nem agütsütsü.
Angami-i pa mulungka nung iba tenla agütsüba atema Kiukhenshi tenüng asang aser ashiba agi, iba ajanga Nagaland nung arem shiruru wazüka ayuba nung teyari agütsütsü.
Chiteni/July 28 nüa Angami den külemi BDO Chiephobozou, Seyiekhrielie Rio nati ngum ka wildlife division nem tenla agütsüogo.
Maneni tanga tetenlar tenüngsanga ketdangseri ashiba agi, nüburtemi state nung arem shiruru wazüka ayutsüla ta angateta aruogo.