“Role of Young Leaders in Localizing SDGs in Nagaland” training sentong agi

Kohima, Aami/June 29 (TYO): Role of Young Leaders in Localizing SDGs in Nagaland dak sendakba nung training tanabuba anogo,  Nagaland nung sustainable development ajangzüktsü atema rongsenketzüng nung terenlok shilem dak sendakba nung sensaksem ka agia tenzük.

Sentong nung panelists temi, lenmang tesademba, mapa tajungba, aser ajak nem maongka kasa agütsütsü atema wadang tuluba, ajak anisemtsü aser rongsenketzüng terenlok asoshi Nagaland nung stakeholder tem shilem indang sensaksema liasü.

Iba sentong ya Limabenla Jamir lenisüba nung agi aser o jembirtem rongnung Neichute Doulo, CEO & Founder, Entrepreneurs Associates, Shanavas C, Deputy Commissioner of Kohima, aser Akhum David Longkumer, Asst. Professor Economic, Sriram College of Commerce, Delhi University nunger densema liasü.

Sentong nung o jembiba mapang Deputy Commissioner of Kohima Shanavas C, IAS-i, sorkar policy tem akangshitsü atema tongtibang shilem kaji, kati ka den ken o ashishitepba ya lir ta ashiba den lanurtem dang sustainable solutions bener arutsü atema lokti liba nung tebilemdangba meleshia lenmang shidak nung jajatsü ayongzüka liasü. Paisa, local industries, entrepreneurship ajungkettsü aser rongsenketzüng terenlok asoshi environment tapet ka yanglutsü atema tasatem indang jembia liasü.

Bushisüngdang aser kaketshisatsü bushiba dak ajemdaker jembiba mapang Akhum David Longkumer-i, terenlok inyakyim aser policy tem decentralization aser communitization asütsü koda tongtibang iba indang jembia liasü. Paisa, “political will ya decentralization atema amshitsüla,” ta ashi.

Nagaland nung shishilembaba balala takok ngua amenokba indang tajangshibatem indang jembiba mapang Neichute Doulo-i, social entrepreneurship koda tongtibang aser Nagaland nung rongsenketzüng nung terenlok asoshi lenmang sadema lapoka aliba indang jembia liasü. Duolo-i, senotsü agi anüngba ya Nagaland nung shishilemba balala metenzükba kuli asü ta asüngdang. Pai Nagaland nung entrepreneurship tem indang tebilemdangba lemsatep aser lanurtem dang pei tebilemdangba melenshitsü ayongzük.

Paisa, sorkar tenzükertem aser nüburtemi entrepreneurship aser entrepreneurs dak sendakba nung pei tangatetba melenshitsü nüngdakba lemsatep.

Panel discussion ajanga sentong nung shilem agirtem nem o jembirtem den sensak asemtsü, ken o balala asüngdang aser rongsenketzüng terenlok aser Nagaland nung SDGs localization renlokba indang angatettsü asoshi maongka nguteta liasü.