Rolls-Royce-i sen crore 6.25 alang Dawn convertible gari sayaogo

New Delhi, June 24 (Agencies) : Britain nung luxury gari kanga keta sena amshiba company, Rolls-Royce-i sen crore 6.25 (ex-showroom) alang Dawn convertible gari ka sayaogo. Rolls-Royce-i Phantom Drophead Coupe gari yangluba sülen Dawn ya gari tanabuba yanglur asütsü.
Rolls-Royce gari asüyongji tamshirtemi nüngdakba tapu ajak iba gari nung keta lir.
Gari indang design agiang süng ibai Rolls-Royce gari-a ta reprangteter.
Gari tejaklen keta aliba grille tulu, suicide doors aser gari bonnet nung aliba ‘Spirit of Ecstasy’ noksa agi gari dak kanga azüa angur. Gari nung fabric roof keta lir aser iba tsüngbang ya second 22 nungdang kulepa yuteter. Iba tsüngbang ya gari 50kmph kara aoba mapang nunga kulepteter.
Dawn gari telung ya oset kanga tajung agi dang yanglu aser apet asong mesüra tachitettsü kecha meli-i yanglua lir.
Gari nung osang reprangtsü atema 10.25-inch screen ka inokja lir.
Dawn gari nung 6.6-litre twin turbo V12 motor keta lir aser iba jagi agütsüba tashiji 571PS aser 780Nm torque lir. Item tashi ya 8-speed automatic transmission ajanga gari tesülen aliba tetsüngtemi yoker aser ibaji ajanga iba gari yagi sec 4.9 tsüngda nung dang 100kmph tashi kara oteter.