Rome chuba Kaisar dangi Pilate report

– I. Imdang Ozukum. E.Er  BSNL. I.E.F. Life time member.

YISU O BENDANGBA ASER KANGKI NUNG ASÜBA OSANG
ROME CHUBA MAPANG YISU TEPSETBAJI TETAMATSÜ KA LIASÜ IBA INDANG ROME CHUBA DANGI PILATE-I REPORT YOKBA RECORD YA Muslim tekülemba ki St.Sophia Constantonible, Turkey nung yua lir ta ashir.

To
Tiberious Caesar Emperor of Rome.
Tamarener chubatiba,

Salem, Kü linük nung anogo ishika tejaklen atalokba tia ya kanga tepangkatsüka asü nung oda yamala mapang agi asen kin-a samatsü, kecha meteta maka nung, aser iba ya agi tanü puti tsüngremtem ajak sama-adok ama aküm nung ni nü dangi rateta zülur. Ni ya ashir Yihuda Governor Valleria Flakia melenba mapang nungi kü yimsüsüba anogo yabo atakatem süang, ta ashitsüsa ni angateta lir. Kechiaser iba anogo nungi kü takümji timtem petsaprong agi sünga kar. Ni Yirusalem yimti tongli kü officer, temaba putirtem aser Galil nung tebu-teti ajak den penjung akatsü ayongzük. Saka mapang tatong nung (Yihuda nübur) shinga maru. Ibai kü meraket aser Rome sorkar mezüngokba ta ni züngshir.
Anogo ishika lir külen temaba putir ni semdangi aru. Pa tereprangtsü tejakji ashi kelaker jakten tener liasü.
Pai ashi pa aser pa metemertem ajak Rome nunger den penjung nung dena chia ajembatsüji par yimsüi memelar. Saka ibai pa sasa nisung tsüngdang temeshi ta sayuba ka dang liasü. Kechiaser pa pei tejak agi anemsübaji sayur.
Oda ni iba mapang nungi talisa item purtem ya Rome yimli tsükchirtem ta ni metet. Aser temaba putirtem nungi kümdangang ta Rome senso kowi Yihuda lima nung lir, parnok dang ashi. Parnoki pei tebok atema pei tetsüa-a ashioktsütsü, Rome Sorkari atsüngteta aliba yimtitem rongnung yimsü asütsü Yirusalemjisa tasaktiba ta ni metet.
Nisungtemji kanga mesüngjemtetba tia aser jakla liro yimya jagi künubo rong rong tulu atoktsü ajiteta liasü. Anungji Ni Syria chuba dang sepia tali meshi. saka pa-a par linük anüktsü meperi-e lir ta langzü. Alinük tali agiloka aotsü jangraba, aser yimli tulu yangloloktsü pilembaji, pei sepaitemi mamokpangtettsüa saer tatem nung Rome yimli ajunga laotsü ta ni tsüpur.
Ni telok nungi aiben pilaa alitsü merang, kechiyong item putirtemi par telokji koma par tsütsü mesüzüka lir, ano kanga junga melazük. Aji saka (ni yimsüsüba office agili nungi) ni akok tashi lokti mulung aser par tepilembaji angatettsü meranga alir. Kü narong nung angashiba olulu rongnung talisa ni kümdangdaktsübaji ya liasü.Galil district nungi aruba asangur ka Yisu, pai yimsü tasen ka ozüng tasen ka sayu, aser ano paji Tsüngrem nungi yok ta pai ashi. Mezungbo paji Rome yimli anema atoktsüsa teloki ajungmesotsü sudi ta ni pilem saka kü tsübubaji yakta suitem.
Iba Nazaret nungba Yisu yagi Yihuda nunger dangbo Rome nunger ang tembar ama jembi. Künu Silo anasa ni süidang nisung telok tuluka moapu nung mongdanga ni angu telokji meyi 5 shi liasü, aser telokti rong nungji asangur ka sungdong ka nung metaloker kanga ajemaluba agi telok dangji sayutsüngiba angu. Ibaji Yisu ta ashi. Oda ni iba asangur yimyaji pa o angartem dang nungi kenyongi tesungmangtsü palaka ta ni ajitet.Kodanga iba ama tai maka ajemalu nisung ni mungudangba aser pa o angartem shir pangsemo tanak keter tejak tebang shimaker lir.Item nisung jakla iba nisung den medemdangtsü makok. Ni telok dangjagi ora iba telok sayurji jangjunga lir-r ta nibo anasai mao. Saka kü secretaryba Manlius dang oa atentsü ashi.
Kü secretaryba Manliusji Yihuda lima nung küm aika lia aru nung pai Hebrew o kanga junga metet.
Ni kidangi shilanger lia Manlius arua Yisu Silo nung jembiba o ajak ji kü dang ashi, Yisui jembiba amaji ni kanga shisa akartemi zuluba kaküt nunga mungudang Rarapangsenba Yihuda nunger rongnung kati Yisu dang asüngdangba ka yisui yamai langzu, Kaisar meyong Kaisa num agüjang Tsüngrem meyong Tsüngrem num agüjang, Pai jembiba shisa taka o angashia ni iba temeshi nisung sadem sadema alitsü lemang lapoktsü, kechiyonng pa aputsü kü dak tashi liasü, aser iba nisung pura iba jagi Roman nunger kati nisung den koda litettsü? Iba ochi lemang denji mebutep akümtsü, kechiaser iba nisung yimli anemer ka masü ta ni metet.
Ni iba nisung teti tepu küma lir ta pai memeteti liaka, ni iba nisung teti kümzuktsü teti merang, yimsusur shingaia menokdangi jajatsüba telok senteptsü, aser pa nutsüng shimtsü item ajak atema sadema aliba pa ama tapensa shinga maliasü. Tsüngremtem shin o aika atalokaka yamala matalokdang.Parnoki ashir asen tetsütepu yimsuji yisu yimsu jagi amokpangtsü amai, aser yamaji asen yimsuji ano jongi samaa akümtsüsa Yihuda nungeri ni ji nok-o nu ka ama agitsü meranger, saka tatemlen koma asütsü, aji ni aremzuka iba tamaren mapa atema ni iba teimtem agir.
Yisuji pa mapa inyaktsü sorkari tenokdangba kecha makai yutsüba agi sensakertemi masü saka Yihuda tamarenertem, takartem, tashirtem, ajaki Yisu dak mokokaji agi anema adok. Ibai shidak, oda Yisu takümji tesü Lendongi aru. Yisui pharese aser saduki telok dang nenok per chirtem nenok leper mesüker, nenoki tema junga yanglur, saka telongji teshinum menuma lir ta arutsü. Mapang ka nung ano tenla agütsüba sen nung takari agütsüba lutsü aser sensaker tenlaji Tsüngrem tsüngdangbo tuluba ta shia takartem aser pharises aser saduki Maksutsüba ni angashi.
Yamai anogo shia Yisu ji majung ta kü dangi o anema bener aru. Yihuda kin nung shirisa ainkar ta shia liasü yamala pur anema Yirusalem nüburi long agi aonbaji ya mezüng masü akidang inyaka aruba ama Yisu daka tia kasaji atongtsü, anungji Kaisar dang taoba nung metetdakja liasü aji oda kü kübok yimsüsürtemi mulungtet. Aser Parthianrara sülenbo ni sepai tali ayutsü nangzük.
Rongrong adokba ajetpangtsü kanga tashi mait nung, ni Yirusalem süngjema akümtsü asoshi sentong balaka agi nüburtemji mesüzüka ata. Ni künu Yisu dangi kü kidangi ajurutepa Pa tia indang metettsü arung ta zülu.
Pa aru, ni Spanish aser Roman azü nung meyoktepa asoba nisung ka, saka Yisu ajurutsüji ni kanga tashi maiter ka ama tsübu. Yisu arudang ni ozu kima senzüa liasü, Pa angudang kü tetsüngji atem marble ma nung merang yinzu ka agi aleneta ali ama, aser Pa tsüngdang niji ashi-auer ka ama kü sasa bilema kü temang ajunga atenten.
Saka Nazaret nungbajibo ajemalua dang liasü. Pa ni anasa arua nokdak Paibo kecha mejembir sernung temaitsü ka agi, “Ni yangi arur” ta ashir ama ni ajitetba ama akümket nisung ngua ni khen süngmanga aliba ama tesüngmangtsü nisung alima nung noksa yanglur jenti agi menuklatettsü, kechiaser tsüngremtem yimya aser Nokinketer yimya ajak pa dak keta liasü. Pa dak tashishitsü aser yimya tamajung kecha maket. Aji saka ni Pa den ajuruteptsü tasü mait aküm.
Yisu ta ni Pa dang ajadang kü meli lemtaa atok, Nazaret nungba Yisu ni na küm asem tashi sadem sadema ajaklen sayua jajatsü melaogo, aser iba asoshi ni pelaa dang lir ta ashi. Ano ni ashi nu o temji shisatsü aketba o tesa liasü. Nai Plato mesura Socrates (Greek nunger) tashi temeteter tem kaket azüng asü mazüng’ar ni memetet Aji saka nu o ya tongmelang sernung tesüngmangtsü nu o ya parnok o danga temaba lir Rome chuba dang ni iba indang metetdaktsüogo, aser ni pa kübok teyarir ka lir, Oda iba lima aliri na kümzuka yutsüba agi ni pelaa lir.
Oda nu o tesashi aser rara o jembiba ajanga na anema tsükchir jenti adokogo, ta nu dang metetdaktsütsü aja, aser ibai tanü asen sa masü, Kechiaser Socrates-a tsükchir jenti liasü aser item tesempar ket nung asü.
Nabo parnok dang nungi tali lir, parnok yimya den meputepi nu o tali sashi, aser ibai menokdangi yutsüba agi, Parnoki ni anema adoker. Parnoki ni nu den sendaktepa lir ta meteta aser Rome yimli nungi Yihuda nüchiso kechi melaa lir aji samadaktsütsü ta ni anema o jenti bener arur, ni nu dangi ozüng aguja masü, mepishia ashir, (moderate) jembiang, aser telok indangji tali bilemang, aji mesüra nai item tsükchir ji tali ain adokdaktsütsü, aser nia ozüngji na anema sashidaktsütsü sa akümtsü.
Nazaret nungba jagi ajemalua yamai langzü, O alima chuba chir, nu o temji shidakba shisatsü nungi madoker.
Tenem nungi aluba ayong dang anenang, aser yangi lenden nung aliba süngdong lidong ajunga teraktet ta shiang. Ayong jagi ashitsü, Ni yimya ozüng aser teyanglur o angatsü. Tsüngremi dang item ayong koleni aotsü aji metet. Atangji ni nu dang ashir, Sharon lenden naro mapong dangsa iba ochishisang azü tokshitsü.
Ano ni asükshijang kanga meronga pa dang langzua ashi, Nu azü metokshitsü kechiyong Rome nungeri nüchiso atema melaa aliba anema nokdakertem asükümba Pharise nunger dang nungibo nu shisatsü o ajungba yong kü tsüngdang na kanga senti nisung lir. Parnoki Kaisar nema tasa tamajung aser pa taochi mapa ajak mashileni angatetja memeteter jenti anidena Kaisar tamajung ta shia teraksa leni anir, Teraksatsür tem ayatai Tiber ayongküm nung senzüba tsünutemi khen khen san teküp meyiloker pei tajung shisatsü ama parnoki tekülak inyaker ta memetet. Parnoki na anemba ni nokdangtsü, anüngdang aonung parnok shinga ozü kidangi marudaktsüi Ni na ozü kidang jenoka kümzüktsü.
Yisui kanga ajemalua pa kolak rektena kü dang langzüa ashi, kodang anogoji tongdir nisung chir atema ali telung nunga aser ali tema nunga jenokdak malitsü. Ochishir jenokdakjibo yangji lir ta anünglen tuyu. Kechi Ainkar kaket nung zülua ali aji ataloktsüla ta langzü. Asanguba, ta ni kanga anukalema ano ashi ni nu dang mepishiba ya nai kü nem na atema kü mapa tajungji ozüng katiang meyipdaktsütsü atonger. Iba linuk (Yihuda province) kümzüka ayutsü, koba kü tebilemtsü lir, iba atema ya nüngdaker. Nai nu o aser tesayuba ya teraa ajemshitsüla. Kü ozüngji teraksatsü, kechi lendong atoktsü lir aji meteta lir. Kü tepela nu den adener.
Salem! pela-a oang!
Alima chuba chir! (ta Yisui langzü,) Ni alimai rarai adokdaktsütsü aru masü saka yimjung, temeim aser taochi bener aru, Rome chubai alima dang yimjung osang sangdongba anogo nung ni aso. Rishikangshiji ni nungi matoker. Ibai danga nungi atoktsü, aser aji Ni Kiburi mulungba nung tashi angaa alitsü. Na nü alima tenükshiba nungi pilaang. Tenladak tenlatsü tiasang aputsüji nü tashi nung mali! Aji oda jembir Yisuji tesangwa tulu ka Akümpanga aoer ama ozü ki teindangba (curtain) sü ajanga ao. Pa oadokba agi kü mulung nung meinprongji mekai aküm, kechiaser Pa ali tashi tetsübu aser tipmatem agi sünger liasü. Galil nung yimsüsür Herod danga Yisu anemer temi parnok mang ayangbaji Yisu dak meinyaktsü ashi. Herodi pa mulungba dang inyaktsü asü nungbo Yisu yakta tepseter lila. Saka Herod asüküma liaka pai Yisu tepsettsüji ni aser Rome senat-i hai haora makatsü ta metet, paia Yisu tsübubaji liasü. Saka Rome Yimsüsür kati Yihuda nunger atemabo kecha tsübua mali.
Yisu tepsetba anogo matongdang künü Herod-i kü kidangi arur kü den o kar lemteper taoi Yisu indang nia kechi pilemer ta kü dang ashi. Ni ashi Yisuji putu shia shisatsü tarok meteter nisungtem atoka aruba rongnnung Pa-a ka aser Yisu tesayubaji yimli rongrongtsüba ka masü, aji oda sorkari Pa satok satoka yutsür, aser Pa mapa agi pa metentsü. Idangji Herod-i anümsü agi menü, aser tema agi kü dang akümtsübu sayur oatok.
Anogo ishika lir külen Yihuda nunger penjung tulutiba anogo atong aser penjung ji longsoa mungtettsü telok jenti ajungmesotsü. Yimtiji lokti jajaba agi asüng oda temeshi nisungbaji (Yisu) südaktsütsü asoshi ayimten.
Putirtemi tenla pentenba senbong nungi agiteta lokti mesüzüka amshi ta ni angazük. Lendongji anasa tonga aru.
Iba lendong nung Rome sepia noklang madak kiburjia kangoka adok, Ni Syria chuba danga sepia dang sapai 100 yoktsü shity zulu, Pai aji meyok. Iba Yirusalem rongrong tulu tiyong nung ni kecha sepia ishika den liasü.
Parnok nemtemtsü tamakoktsü aküm Parnoki Yisu apu, aser parnoki asen sorkarji kecha metsüpur ama sayua, parnok madak Sorkari tenük yoka lir ta meteta, Yisu kangki nung angenlokang ta Sorkar dang ayimten.
Yisu anemba mapang nungji telok asem longjemer inyak. Herodian, Saduki , aser Pharisee. Parnoki Temeshi nisung (Yisuji) sempa aser Rome süngraji mapunü. Rome sepia nisanji apur temeshi yimti jagi ni künü aidang, kü nüm tai agutsü, aser oda ni aibelen ta shiaka, kü dang parnoki tai madok aser parnok nükdang tai sükshi.
Tanga tesashi mapa ka parnok mulung nung atongtet. Tenladak sarutenba senji lokti tajangzük asoshi mapa kar yanglutettsü benshiang ta ni ashi. Ni ashiba ji parnoki atala. Pharisees nungerji Yisu Tsükchir tamajungtiba liasü, Parnoki sorkarji züngoka mali küm asem shi Yisui parnok nüm temetongshiba sayubaji parnoki khu khua nokdak, Pharisees kija Yisu anema nokdaktsü tashi mali nung Herodian aser Saduki telok ayongsem, Item telok asem anema lokti shirnoki teti rong rong nung atentsü jangrar parnok jagia jangraa adoka aonung item anema tekümzuk ni pushi.
Tematiba putir dangi Yisu pua atsür ao aser südaktsütsü aitsü. Kaifai Yisu asütsü tashiji amshi. Pai Yisuji kü dangi yok aser Yisu taitsübaji tali akangnu. Yisuji Herod alidak Galil nungi lir, anungji Herod dangiang yoktsü ashi. Tekolak putirji Kaisar sepia Liutentant den opang mapu aküm nung, iba taitsüba mapa kü dangang inyaktsü ashi. Yakta kü ki tsükchiri amakba ki ka ama telok tulu agi asüng, Oda oda telokji tali tali teimba aküm. Nazaret tenem nungi nisung senjen sena Yirusalem yimti asüng. Yihuda nunger ajunga yimti jagi senok.
Kü kinungtsü Gaul (France) tsür ka lai tarutsü tiaji nguteta kü dang tekümdangtsü ashi. Kü tetsüng zungdang la laoa jepa kü dang yamai ashi Kümdangang! Kümdangang! nai iba nisung dak tekongshi pa temeshi nisung lir.
Yasüng ni pa mangdang ka nung angu, Pa tzüma nung jajaya liasü, Pa mepong tashikang nung yimzua liasü.
Pai tzuyim tsüm ain atokba aser tzüyim ango tem madak o jembi, ajaki pa dang anga, Repranngang, Kedron ayong Azü agi sünga ayim, Kaisar noksa anasa nisung tepseter agi sünga nongpang. Yimsüsübaji atsüngena ao ama aser anüng nung anüji leper noksa ama meküm meküma aküm. Ah Pilat, mojingi na ashioktsütsü atar. Nü kinungtsüi ashiba ya nai mangara Rome sepia atakatem tsübuang.
Iba mapang lokti atenshia ozü ki sempangba agi marble ki kilemji jirepa alutsü ama aküm. Temeshi nisungbaji kü dangi sa meyipa anir aru. Ni o bendangba sapang jagi kü body card den atu, aser nisung tem dangji parnoki kechi meshir, ta ola tulu agi ayimokja-a ashi. Nazaret nungba ji südakjang ta ayimten. Kechi taiyong ta ni asüngdang? Pa Tsüngrem anemer, Pai tenlaki raksatsü shin, Pai Pa sasa Tsüngrem chir ta ashi. Pa Messaiah ta ashi. Iba ama tai yong dang Rome o bendang ozung agi pa asütsü malang ta langzü. Pa kangki nung angenlokang! Pa kangki nung angenlokang! ta telok ajaki maneni ayimten. Telok ola agi ozü kimongji anokshir amai aküm. Item telok tulu nungji temeshi nisung ka dang ola madoki ajem ajema liasü. Paji Yisu. Iba Yisu kümzuktsü tasa aika ni bushiaka lemangji mangu, oda lemang ka dang liasü, ibaji penjung nung nisung ka padak nungi chioktsüla, saka parnoki ayimtema ashi, Yisu ang kangki nung tepsettsüla Baroba ang chiokang, Parnoki Yisu pur kechi ozüng agi melar iba amaji mesüi teyazü kuli agi südaktsütsü tasa-ang inyakba ni ajiteta ni yamai ashi, Nisung ka tasütsüsa aitsür anogo ka matai metepseter, aser ano Sandherini ken lepshia tendangshitsü yimsü lir aser o bendangsang sign asütsüla, Ano taisang ji kesa anogo nungbo metepseter. Aser ozüng agi melaba ama tasütsüsa aiba nisungji pa masüdang tamasa kor ka nung mener ayimtena yimti yimdong nung bener jajatsüla, aser tuodak nungji Pa asoshi küli kar lira ano caseji meyipa reprangshitsü ozüng lir. Yamaji ni Yisu metepsettsü koli aika agi tenokdangba agütsü, Saka parnoki taliang kangki nung angenlokang ta ayimten.
Salem! pela-a oang!
Idangji ni Yisu dak azükba agi danga parnok temulung sür chioktisü ta pilema azüktsü mela. Saka aji agia parnok jangra matem südi kecha maküm, parnok taliang ain atok. Anungji ni tzü susa ka bener arutsü mela.
Aser Yisu tasütsü sa kecha tai meinyak ta sayua teka metsüktok. Yamaji Yisu Tepsettsü Tzurabaji parnok dak liasü. Ni aiben asen llima-a telokti ain atokba nguogo saka kodanga iba ama mongudang oda mulumi mojing ajunga Yirusalem nung senten ta ashitsü akok.
Telok tuluji mejajai anung nung mepet alonger amai chuba kima nungi aser zion tenem len nungi taküm tem tzuyim nung pongzur ami ayimtena ola, washia, atakatema, tepu shitepa meit adoka aser amok merena Yisuji atsür ao.Asükwa sangwa manga aküm ama oda Julius Caesar asüba anogoji tamang aküm.Ibai March 1st ita (Rome nunger tsüngrem) anogo ama liasü.Item mojinng mesukba nisungtem itemeshi Yisuji tetepsetdaki atsür
Aodang ni tepilemtsü tulu agi sunga kü kilempok nung nokdaka ali.
Ni alidak temeküt ajak azunga küma liasü. Mangyimba kishizung (waeling wall) nungi Gemonica tashi Yirusalem nunger ajak, (Galvary leni) nungjen nunga ao. Tejashi mangyimba agi kü mulung asüng. Kü sepaitem aser noklang ka madak kibura Calvary leni ao, Ni kija chuba kidang toktsü.aser kü mulung raksa tia nung ali. Aser ibai ni asangsang ta mepilemi oda tar nunger otsü ka atalokba ama dang pilem. Golgota tenem nung tejashi ola tulu ka ayimtenba ni ozu ki nungi angashi.Koba ola mopungi bener aru aser ibaji kodanga nisung narongi mangashidangba ola ka liasü.Tenlaki kilem küpok nungi yimti ajunga mepet tamang agi longpang.Nisunngtemi iba anogo nung anguba temaitsü onsara tetsübutsü, oda anung tsü-uker ama aser alima yimyatem alima anungba (groaning) ola angashi.Kodang iba ama yimya tem tetsübutsütsü tia nung liasü, Yangji menoknok tulu Eygept lennungi anok,koba agi nisung ajak tsübu,Iba ama tetsübutsü ataloker kelen ,Antiok nung Tashir Yihuda tambur ka tenung agi Balthasar tasü angu.Paji Nazaret nungba Yisu tembar tajung ka liasü ta ashi.
Nikongtsütsü amang makümdang ni kü sumoksu tula sumer, Golgota gate tsütsü yimti jagi ludang.
Tasübaji temer liasü, Telokji ain atoka kidangi sesshir liasüSaka parnok mulung tepilemtsü agi sunga ali nung parnok tsüpua liasü.Parnoki anguba tesungmangtsü tatalokba jagi parnok tsübudaktsü, kü sepia telok tilaba jia mangyim agi sunger oda nisana bensanga nisan mesalai longtena bener tejashi temaitsü sayua aru, aser Yihuda nungr esepai kari iba nisan asoshi numnumba ni angashi Saka ni par o ji mangatet.
Karibo alemlia item temaitsü ama agi Rome nunger laoba pilemteta tanua Tsüngrem nungi atakatem
Ka arutsü akok ta tsübutep.Telok telok tetsür tebur senshia ken ken nokdaker Calvary tenem lenjisa langka Aon temaitsü tasen kar angutsü tsübua meyipa- meyipasa reprangtep.
Ni kü kidangi jashiseta shilang.ni taktang jagi atu koba nung Yisu azu ano mejenshia mokongi lir, iba anasa tampur ka apudaka ajuru, aser pa sulenji Roman nunger ka nuksu ayimba tia nung angu.Iba tambur ni anasa khu khua jepa apua aru, Tampur ka ajepbaji kanga tetamatsü lir ta aser kü mulunga tejashi agi sunga ali nungji onoki kati ka memetetepaka külemi ajep.Ni kodanga iba ama tejashi majurudang. Shirnoki Yisu ashioktsü aser ayok, shiri pa anema küli tamajung agutsü. Shiri Pa kangki nung angenloktsü ayimten aser onok dak iba azu atakatem kaoang ta ashi parnok ajak azu ama rukshia jenshia aser pei tepu (teeth) tasen tzu agi shitok.Yamaji sur pai iba telok tulu dang pa shia aruba agi atangji küli sayutsü ta meteta lir.
Tambur shiba ozu kidangi arua ajep, pa dang oba na shiba aser kechi aginur ta ni nuksu ayimba azuoker asüngdang .Ni Yusef Arimathia nunger.Ni nu dangi Yisu mang meshitsü aser aremtsü melaang ta mepishitsü aru ta langzu.Ibaji ni pa dang mela aser iba den Manlius dangn sepia kar iba tambur den yoktsü aser temang aremdang yariang ta ozung agutsü.Ashiko ibai inyakdang kari artsütsü mesura mezungmeshitsü.
Anoko ishika lir kelen leperji tazüng angu, aser Pa nütsüngtemi linük ajak nung Yisui ashiba ama Pa shia arogo ta sangdong. Iba ya agi kangki nung angenlokba anogo nungibo tali aoksatep. Iba ochi-ji ni kanga jangjatsü makok. Saka ni iba indang sashia kar den tongtepa metetepa liasü. Anungji nai (Kaisar chubai) nü sasa ni osang Yokba nungi atidangang, aser Herodi züluba ama ni tai asü masü nai nü sasa metettsü Yosef-i par leper nung pai Yisu shia arutsü metetba agi asü, mesüra Yisu num leper tasenka tutsüar ni memetet, Yisu leper nung remer kelen putir rongnung ka kü dangi aru, aser Yisu nütsüngi temangji aoyar aotsü aser shia aruogo ta yazü ashitsü. Anungji leperji anüktsüla ta ashi, Iba putirji ni kü sepia tanishir Malcus dangi yok aser Yihuda sepia temi leperji anüktsü aser langka tai atalokra Rome nunger masü Yihuda nunger aitsütsü ta metetdakja-a yok. Kodang leperji tazüng küma adok nüburtemi tali tipmatem rongrong aküm nia kü mulungjang tip matem tali aküm, ni leper anüker (constable) ka tajai yok, aser pai kü dang kechi ashi itemji yamai lir.
Ayaterem nung leper long nungji tepur tajunga tesangwa ka temenungratsü ken tena yalokba onok tanüker temi angu.. Sepai jagi Ibaji Yihuda yimsü ama tetsür tem Yisu leperi teronem totsü mezütsüi arur ta pilem, saka. Kodasür parnokji Guard (tanüker) ajanga arutettsü ta rata. Yamaji onok mulung nung pilemshia alidang dang ano ajiang aser yangji lepertem nungi tasür tem telok jenti sa-aker ama angu.
Item tasür ajak agi tepela agi tenüngsang ken tena ayimtener ama aser telok kenji temalenji aten iba mapang piyongji ali anokshi aser aliji anenzüka aor ama aküm aser ni lolaa akümba agi nokdaka melitet aküm.
Sepaiba ano ashir, iba mapang nungji aliji kü tsüngdang nungi anenzüka aor ama aküm aser ni shisa ramar kechi akümtsü ta tsübu. Ni asüngdang, na lulaba nungi nuchi kümer ano kechi angu, “pai ashi”, na mejanga aoba agi itemji ataloka pongmang sülaba. Pai ashi, masü, adangji kü medemer karbo mejanga ni angu saka ni aonung piyong saaka liasü ta ashi pa lulaba nungi nuchi kümer leper anasa odang asü ta asüngdang. Pai ashi mo-odang kechiaser ni tsübua liasü, aser onok tanüker shia dak langka atalok tsübua pei pei jenbo asa-a langtsüngi jaja pei kidangi oatok.
Ni sepia dangji ano asüngdang putirtemi nü dang o kar asüngdangasü? pai hau, parnoki onok num sen agüja ashi, nenoki onok mejanga ao aser menok nok anok, idangji Pa nütsüngtem arua Yisu temang auyar ao ta shiang. Saka onoki nütsüngtem shinga aruba mangu aser shinga maru temang bener aoba jia memetet, ta langzü.
Putir temi parnok sasa kibok o jembiba nai angashi asü ta ano ni asüngdang. Pai langzü putir karibo iba Yisu ya nisung dangbo masü, aser teyangluba meimchirbo masü aser Pa Bethlehem nung asoba tasüngtet Mary chir dangbo masü, khenyongi balaka ta jembiba angashi. Ya ni ajiteter, Yihuda nunger shin o ji shidak süra item tatalokba ya shidak. Kechiyong parnokji iba nisung taküm den ataloka anitaka lir, aser tembartem aser Pa tsükchirtemia ya ashir aser iba temishi nisung ket nung puteber kati ajungli koda amshir yamaji parnok ajak yuteter. Pai tasür shia arutsü Pai tzüyim tzüsem nemtemer, Ango bang nung sen aliba meteta aji pua ali melen agütsü. Dang ni ashir iba nisungi Yisu koli agütsüba ama item tesüngmangtsü ajakji inyaktetba yong Pa anemer tsükchir jenti aküm. Pa tasütsü sa tai maliasü, mesüra Pai ain atokba ozüng kecha meraksa mesüra kija ka amema kecha tai meinyak, aser item ajakji au ta nisung meyi aikati meteta lir aser Pa anemeria aji metet. Malus-i adangji ibai Tsüngrem chir liasü! Ta ashibaji , kesa o ji nia nü dang ashir.
Tang tamarener, Yimsüsür, ibai ni ashitsüba ochi o anasatibaji lir, aser iba osang nü dangi yoktsü atema ni timtem kanga agiogo anungji nai yangi kü jakla ajak nung o bendang agütsütsü akok. Kechiaser (Herod) Antipateri ni anema o tamajung aika nü dangi yok ta ni angashi. Tamang katettsü tenangzükba den na tamarener dang kü salem süangma.
Nü dang ochi shia tenzüker
Pontia Pilate
JERUSALEM.