Rome nung ‘Angry Indian Goddesses’ film kanga tushiogo

New Delhi, October 25 (Agencies): Rome Film Festival nung ketdangsertemi minute 8 tashi nokdaker Pan Nalin-i direct asüba “Angry Indian Goddesses” (AIG) film nem akhümtsübu agüja liasü. Iba ama akhümtsübu agütsüba atema film director temulung nung kanga tangshiogo.
“Italy nungeri ni yangluba film agizüktetogo aser ni iba linük den tesendaktep balaka lir kechiba süra ni mapang shia yangi arua otsü zülur. Anungji taonung Italy nung aliba nüburtemi iba film junga agizüktetba ajanga ‘AIG’ film ya alima ajak asoshi tapet asütsü ta jungkai adoka sayur,” ta Nalin-i sangdong ka ajanga ashi.
‘Angry Indian Goddesses’ film nung shilem agirtemji Sandhya Mridul, Tannishtha Chatterjee, Anushka Manchanda, Amrit Maghera, Rajshri Deshpande aser Pavleen Gujral nunger lir.
“Angry Indian Goddesses” film ya tetsür medemer tenet indang otsü lir.
Otsü nung Sarah-Jane Dias-i Frieda ama shilem agia lir. Film nung Frieda-i lar medemtsür tajungtila den la kiyimtsü sentong lemsateptsü asoshi Goa-i jaoker aser iba mapang parnok ajurutepa benjung tulu ka amunger.