Ronaldo-i Best FIFA Men’s Player sempet angu

January 10, 2017 : Swiss TV studio, Zurich, Switzerland nung akaba ‘The Best FIFA Football Awards 2016’ sentong nung Cristiano Ronaldo’er jabaso (tiyong)-i tebui anguba ‘Best FIFA Men’s Player’ award amer Ronaldo tetong Georgina Rodriguez (abelen nungi tanabula), aser pa tetsü Maria Dolores dos Santos Aveiro (achiji), aser tangartem den tangokba noksa nung angur.

Zurich, January 10 (Agencies): Zurich nung sentong ka nung Cristiano Ronaldo, The Best FIFA Men’s Player 2016 atema shimtetba ajanga pai iba season nung kijai anguba sempet tulutem ajak agizükmaogo.
Ita ka tejakdang, arishi küm 31 tain Ronaldo-i Ballon d’Or sempet Lionel Messi ket nungi bener aru aser August ita nung UEFA Best Player in Europe sempet tanabenbuba agizük.
Ronaldo-i UEFA Champions League akokba sülen pa captain sür par lima atema mezüngbuba international trophy, UEFA EURO 2016 akokba ajanga pai iba sempettem ya angu.
FIFA Club World Cup nung kashima Antlers Den final asayaba mapang pai goal asem agüja 2016 küm tembanga liasü, aser ibaji ajanga pai Madrid atema season ka nung goal 42 aser Portugal atema goal 13 agüja liasü.
“2016 ya ni atema tajungtiba küm liasü. Iba sempet ajanga nüburtem tenük tapok masü aser iba asaya repranger ta sayur,” ta pai sempet agizükdang ashi. “Ozü national team aser club nung sayadang sempet anguba aser asayar ajaki kanga junga asayaba ajanga, iba küm ya ni mamatoktsü. Ni shimba atema kanga pelar,” ta pai shisem.
Best FIFA Football Award sempet angurtem:
* Best FIFA Men’s Player : Cristiano Ronaldo (Real Madrid/Portugal)
* Best FIFA Women’s Player : Carli Lloyd (Houston Dash/United States)
* Best FIFA Men’s Coach : Claudio Ranieri (Leicester)
* Best FIFA Women’s Coach : Silvia Neid (Germany)
* FIFA Fair Play Award : Atlético Nacional (Colombia)
* FIFA Puskás Award (best goal) : Mohd Faiz Subri (Penang)
* FIFA Fan Award : UEFA Europa League quarter-final asayatan pusemer Liverpool aser Dortmund
* FIFA FIFPro World 11: Manuel Neuer (Bayern München/Germany); Dani Alves (Juventus/Brazil), Gerard Piqué (Barcelona/Spain), Sergio Ramos (Real Madrid/Spain), Marcelo (Real Madrid/Brazil); Toni Kroos (Real Madrid/Germany), Andrés Iniesta (Barcelona/Spain), Luka Modric (Real Madrid/Croatia); Lionel Messi (Barcelona/Argentina), Cristiano Ronaldo (Real Madrid/Portugal), Luis Suárez (Barcelona/Uruguay).