Ronaldo-i Messi nem khen danga vote magütsü

Rongjui/September 26, 2019 (Agenies): Hopta tetenzüklen Argentina nunger asayar Lionel Messi-i Liverpool defender Virgil van Dijk aser Cristiano Ronaldo ajateta FIFA men’s player’ award nguogo. Pai iba naroküm trokben koktetogo.
FIFA men’s player award atema asayar ya national team coaches, national team captain, media representatives aser fan temi vote agütsür shimmer. Telok pozüprongla shilem kasasa (25%) lemsar asayar shimmer.
Inyakyim nung nung shilem ka ama FIFA-i shibai shiba nem vote agütsü iba indang Data sayaogo aser iba ajanga osang kar jangjaa kümogo.
Data ajanga nungertetba agi Ronaldo-i Messi atema khen danga vote agüja mali.
Taküm award atema vote agütsütepba nung Messi-i Sadio Mane, Ronaldo, aser Frenkie de Jong nem vote agütsü. Kasa mapang nung Ronaldo-i Argentina nunger asayar nem ya vote magütsü saka Matthijs de Ligt, Frenkie de Jong aser Kylian Mbappe nem vote agüja liasü.
Ronaldo-i küm 10 shi nung Messi nem khen danga vote agüja mali aser taküma pai magütsü.
2010 nungi vote agüja aruba mapang Ronaldo-i par teammate atema 17 ben vote agütsüogo aser takümang tanga nem agüja liasü.
Kasa mapang nung Messi-ia 19 ben par teammate atema vote agütsüogo. Ajisüaka Küm ana tsüngda pai par teammate atema khen dang vote agüja lir aser iba mapang nung Ronaldo nema vote agütsüogo.
Data ajanga sayuba agi, India football team captain Sunil Chhetri-i Van Djik, Messi aser Mohamed Salah nem vote agütsü aser Coach Igor Stimac-i Ronaldo, Van Djik aser Eden Hazard nem vote agüja liasü.