Ronan Keating-i kiyimtsü asoshi ‘Bachelor Party’ ayongzük

August 14, 2015: Irish nunger Pop Star, Ronan Keating kibong akümtsü anogo ana dang lia pai ‘Bachelor’s Party’ ayongzüka mungogo.

Kentener telok ‘Boyzone’ züngsem Ronan-i Australia tsür TV producer, Storm Uechtritz den taruba hopta (August 17, 2015 nungi tenzüka) kibong akümtsü, aser iba anogo matongdang jelia Brihostibar (August 13) nü pa den külem telok züngsem Shane Lynch densema par medemertem den Buckinghamshire, England nung golf asayaogo, ta osang ka ajanga ashi.

Keating-i pa indang Instagram.com page ajanga, par jabaso arishi küm 16 Jack aser par mendemertem den golf asayaba noksa lemsatepogo.

Kiyimba sentong nung Keating indang ‘Best Man’ ji par jabaso asütsü.

Ano Uechtritz-a bachelorette party Paris, France nung mungogo.

Tamalen Keating Yvonne Connolly den kibong küma liasü, aser tena sentep chir asem lir, ajisüaka pa tsüngsanger ka den medemba osang jungkai adokba sülen 2011 küm tena pala, iba sülen küm ka lir Uechtritz tena meimtep.