Ronan Keating o kinungtsü na nem jabaso ka moatsüogo

London, April 28 (Agencies) : Kentener Ronan Keating aser kinungtsü Storm Keating na mezüngbuba tanur aruogo. Tena jabaso ka agi sosema aküm.
Tenati iba osang tajung Instagram ajanga metetdaktsü aser iba nungji Ronan-i pa kinungtsüi jabasoji ajunger menürema tangokba noksa ka inokja lir, ta osangbenertemi ashi.
“Jabaso ka moaba osang kanga pelashishia metetdaktsür. Kinunger ajaki kibong nung züngsem tasen aser tilatiba kanga meimer! Iba jabaso tebu asütsüsa mangoka anguba ya temoatsü ulura aser iba tashi tait aser temulung tajung tetsürla kinungbo asüba ya ni asoshi kanga tia taka,” ta Keating-i ashi.
Ronan bo mezüng kinungtsü Yvonne Connolly den tanur asem tashi lir — jala Missy aser Ali na den jabaso Jack. Ronan aser Yvonne na ya 2015 küm bala.