Ronan Keating Scotland nung kibong akümtsü

August 03, 2015: Boyzone telok nung züngsem kentener, Ronan Keating aser Storm Uechtritz na August 17 nü Dirleton yim, Scotland anasa aliba golf club ka nung kiyimba külizüng agitsü terenemba lir.

Ronan o Australia tsürla na ya Edinburgh nungi kilometre 20 pilar aliba 16th century meyong ki, Archerfield House nung lir, ta Daily Star osangkaket ajanga metetdaktsü.

Ronan-i ashiba agi tena ya taküm April ita nung aniasüngtep aser kiyimba küli agitsü atema Scotland shimbaji, iba tesem ya tena asoshi kangasa tesem balaka lir.

Pai, “Ozü kina kibong ajak iba kiyimba benjung nung adentsü. Iba sentong Australia mesüra Ireland nung agitsü melena künati Scotland ang shimteta lir kechiba süra iba tesem ya küna asoshi khenyongi balaka lir,” ta Irish Herald osangkaket dang ashi.

‘Life is a Rollercoaster’ ken ajanga kanga nüngtugu akümsang, Ronan ya tebutsü tejenla, Yvonne Connolly den tanur asem lir; Jack (16), Missy (14) aser Ali (9). Pai kiyimba benjung nungji par telok den ken ajanga shilem agitsü amai ka shishiogo.

Tena kibong akümba sülen Ronan’er tanur anasa alitsü asoshi Australia-i aotsü ajisüaka yangji ki angutsü kanga tasak lir.