Rongchii 14 nü ASU Shillong Hon Jubilee amungtsü

Dimapur, Rongchii 12 (TYO): 1968 küm tentetba Angami Students’ Union Shillong Hon Jubilee Rongchii (April) 14, 2018 anogo amungtsü. Iba jubileemung ya U Soso Tham Auditorium, Shillong nung “Rise and Lead” omen nung ajemdaker amungtsü.
ASU Shillong ya Naga Students’ Union Shillong kübok kaketshir tentet tejen rongnung ka lir aser Angami Students’ Union Kohima nunga kongsang ka lir.
Iba benjongmung nung Zhaleo Rio, Deputy Speaker, Govt. of Nagaland aser R. G. Lyngdoh, Former Vice Chancellor, Martin Christian University Shillong na tongti tesemdanger aser totushi tejaoker asütsü.
Iba sentong nung Naga nunger nüngtugu kentener, Methaneilie Jutakhrie aser Diethozo Thakro, Thejavor Suokhrie nungeria shilem tajung agitsü.
Kasa benjongmung nung Nagaland aser Meghalaya nungi tongtibang nisungtem aser tamalen zünga alirtem arua adentsü, ta osang ka ajanga ashi.