Rongmei Ken-o Jangjashitsür ta P.CHUBA OZÜKÜM-i züluba Langzür

Rongmei kin nem Indigenous Naga Tribe jenjang Nagaland Sorkar-i agütsüba dak  sentakba nung  State sorkar Addl. Chief Secretary Nagaland nungi taginüba “Granting of Status of  Indigenous Naga Tribe to Rongmei Community Settled in Nagaland” ta subject nung  zülua meshiba amshi süra, Government Notification No. AR-8/8/76, Dt. 28-4-1977 nung  Government-i melaa aliba ama Rongmei nungerji Indigenous inhabitant jenjang dang  agütsütsü tetemsü ta ashitsü melen, Naga Hoho shiti NH/CORR/2008-11, dt. 22-9-2008 nung,  “During the deliberation in pertaining to granting of status of Indigenous Naga Tribes to  Rongmei Community settled in Nagaland prior to the formation of Nagaland state in  December 1963, the Naga Hoho collectively viewed that the Rongmei community is  eligible to be recognized as desired by the state government ,“ ta züluba jagi state government-i mulungba ama Rongmei nunger nem Indigenous Naga Tribe agütsütsü tetemsü ta kuli agütsüba lir. Tetezü, state sorkar  jangraba (aginüba) ama Naga Hoho-i telangzüba agütsü ta süra state sorkar jangrabaji kechi  liasü ? Subject matter nung jangjaa zülua aliba ama state sorkar tejangrabaji Rongmei  nungerji Nagaland nung ‘Indigenous Naga Tribe’ ka asütsü tejangraba nung Naga Hoho  dangi asüngdanga zülu, aser yamaji Naga Hoho shiti dt. 22-9-2008 nungji sorkari  jangraba ama Rongmei nunger nemji tejangraba jenjangji agütsütsü tetemsü ta züluogo.
Idakji angatettsü agi Rongmei nunger nem Nagaland nung kin ka asütsüji sorkar  tejangraba liasü, yamaji Naga Hoho-ia aji tim ta zülu ta süra iba jagi Naga Hoho-i Rongmei nungerji Nagaland nung kin ka asütsü tetemsü ta küli agütsüba jangjar.
Naga Hoho President menden nungi anentsü/manentsü indang Ao kin Ienirtem taginüba/maginüba kecha sendaktepba mali. Iba den Ao aser Naga kin anema P.Chuba Ozükumi aibelena ali-maliba indang idaki tanü mezülur. Ken-o ajak agi pa Ao Sendeni Ao kin tenüng nung Naga Hoho nung oa mendaktsü süra Rongmei nunger nem Nagaland nung Naga kin ka züngokba nung Naga Hoho-i agütsüba kuli meyiba magi tashi Naga Hoho nung Ao Senden medeni atatsü ta 24-08-2016 CNTC sabang nung Ao Senden President-i sign süa renemba den 23-09-2016 Ao Senden Federal Council nung akangshia renemba jagi Naga Hoho nung Ao kin tenüng nung oa alir menden nungi anentsübaji kuli balaka menüngdaker, anungji Ao chanu kar danga tang tashi Naga hoho nung shilem agia lira, ibajibo Ao Senden telemtetba anema asütsü.

– Ao Senden Presidential Council Members,
Mokokchung, Mon, Tuensang, Wokha, Kohima, Medzhiphema, Chumukedima & Dimapur.