Rongmei kin agizükba sorkari meyipa agir

Dimapur, June 3 (TYO): August 4, 2012 nü Nagaland sorkari Rongmei kinji Naga nunger lisopur kintem rongnung ka ta züngokba Cabinet-i lemtetba meyipa agir, ta sorkar sangdong ka nung metetdaktsü.
December 1, 1963 matongdang Nagaland nung arua aliba Rongmei nunger 1,313 ta special enumeration process ka ajanga Nagaland sorkari jangjateta alirtem, parnok nungi jakzükertemi dang Nagaland nung lisopur den temeten aser maongka kasa angutsü. Ibaji December 1, 1963 matongdang Nagaland nung arua aliba tanga indigenous nisungtem den kasa asütsü, ta sorkar sangdong nungsa metetdaktsüogo.