Rongpangmen Baptist Arogo nung Father School agi

Dimapur, May 22 (TYO): Ao Baptist Arogo Padumpukhuri nung Mission Board-i teyari agüja Rongpangmen Baptist Arogo nung Father School ka ayongzüka agi.
Iba sentong ya “Lord I am a Father” omen nung ajemdaker agi aser shisalen sayurtemji- Tiayanger Lkr, Pastor, Yapang Mollier, Mission Board Secretary, Chuba, Associate Pastor Youth aser Lima, Deacon nungertem liasü.
Father School nung tebur 40 tashi aden aser shisalen sayurtem parnok dang, tanü putu nung Khristan kibong ka talitsüyim, kinungbo tajung aser Tsüngrem tsübuba tebu ka indang teinyaktsütem metetdaktsü.
Rongpangmen Arogo-i Ao Baptist Arogo Padumpukhuri dang kanga pelar aser maneni Rongpangmen Baptist Arogo Woman Ministry nung Associate Pastor Woman, Miss. Roseline Mollier-i anir sentong ayonger danga pelaba shisemer, ta RBA Sannüker, K. Meren Jamir-i sangdong ka nung metetdaktsü.