London, January 05 (Agencies): Manchester United striker, Wayne Rooney-i vote timba ngua England’er Player of the Year sempet agizüktsü jenjang tanü Mongolbar nü nguogo.
Rooney-i England linük ajunga nung goal timba agütsür otsü yanglua tan agi iba sempet 4 benbuba asoshi agizüktsü jenjang angur lir.
Arishi küm 30 tain Rooney-i ajak agi goal 51 tashi agüja Bobby Charlton-i goal 49 tashi agüja yangluba otsü ajangteta otsü tasenji yanglu.
Pai goal 7 tashi agüja shilem agiba ajanga par teloki Euro 2016 asayamong nunga shilem agitsü jenjang tajung nguogo.
England captain, Rooney-i vote noklang nung shilem 37 tashi ngua iba sempet agizüktsü jenjang angu.
Rooney-i 2008, 2009 aser 2014 nunga iba nungtugu sempet ya agizüka liasü.
Stoke City goalkeeper, arishi küm 22 tain Jack Butland-ia Under-21 shilem indang Player of the Year sempet agizüktsü jenjang ngua lir.
Par England-i Germany telok den friendly asaya taküm March ita 26 nü asayaba jakdang Rooney aser Butland naprongla nem Player of the Year sempetji agütsütsü renema lir.
You must be logged in to post a comment Login