Rooney-i asaya nungi anenba sülen Manager kümner

London January 28 (Agencies): Manchester United nungi asayar Wayne Rooney-i pa asaya nungi anenba sülen manager mapa inyaktsü asoshi jangraba lemsatepogo.
Rooney tang tashi asaya aruba nung asaya anenba sülena jangratem litettsüsa sen peria ajangzüka lir, saka football kanga meimba ajanga pai iba asaya metoktsüner.
“Kü taküm piyong football nung dang mapang ajak indokogo, aser asaya anenba sülena maongka ngura manager asütsü asoshi jangrar. Tambur akümdang maneni iba asaya indang bilemer, aser manager mapa inyaktsü asoshi tejangraba lir,” ta Rooney-i Hokolbarnü ashi.
“Tanü-asüng asayartem sen peria angur anungji manager mapa inyaktsü asoshi kecha balaka nüngdak madoker, anungji shirnoki iba mapa jangrar parnoki takok angutsü,” ta paisa shisem.
Rooney-i tawa Bobby Charlton-i United nung goal teimtiba agütsür aliba jenjang ajateta tuogo. Goal paikaji agüjaka dang tashi goal yokba shia tashitsü makokba tepela ka arur, ta paisa ashi.