Rosa Salazar-i ‘Alita: Battle Angel’ film nung tongti shilem agitsü

Los Angeles, May 31 (Agencies) : James Cameron aser Robert Rodriguez nati yangluba manga series- ‘Alita: Battle Angel’ nung actress Rosa Salazar-i tongti shilem agitsü.
Iba film ya cyborg bounty hunter kati tarutsü putu nung shilem agiba indang otsü lir, ta Entertainment Weekly ajanga metetdaktsü.
Arishi küm 30 tain Rosa-i ‘Maze Runner: The Scorch Trials’ and ‘The Divergent Series: Insurgent’ nunga shilem agiogo.
Cameron-i Yukito Kishiro indang manga otsü zülushi aser pai iba film direct asütsü bilem, saka pa “Avatar” franchise nung mazüngi aliba ajanga director shilembo magitettsü.