Rosberg-i F1 World Championships ajangzükogo

Abu Dhabi, November 28 (Agencies): Germany nunger Formula One (F1) gari toktepa anishir, Nico Rosberg-i taoba Deobar nü agiba Abu Dhabi Grand Prix tetoktepba nung 2 buba jenjang nung alizüng atongba sülen tan mezüngsüa F1 World Champoinships takokba ajangzükogo.
Küm tepiyong külem Mercedes telok gari anishir, Lewis Hamilton sülen anidaka, tanabuba jenjang abenba sülen arishi küm 31 tain Rosberg-i tan World Championships takokbaji ajangzüker lir.
Tan takok anguba sülen Rosberg-i tebu, Keke-i Williams telok tenüng nung küm 34 tejaklen ajangzükba World Championships takokba ajangzüka, tebu aser techir naprongi F1 World Championships ajangzüker rong nung densemer lir.
Ano külen, tan takok anguba sülen Rosberg F1 World Championships takokba ajangzüker Germany nunger F1 gari toktepa anishir 3 buba kümogo.
Tan tetoktepba nung Britain nunger Hamilton-i alizüng mezüng atong saka pai taküm, 2016 kümbo F1 World Championships takokbaji majangzüktettsüsa jenjang angu.
Tan takok anguba ya Hamilton-i taküm küm nung F1 tetoktepba 10 buba akoker lir aser ibaji pai F1 tetoktepba nung tetsüng ajemoker tanü tashi nung takokba 53 buba ajangzüka, F1 gari toktepa anishir rong nung küm ka kisüng nung takok timba angur akümer lir.