Rosberg-i Italian GP nung takok angu

Monza (Italy), September 04 (Agencies) : Deobarnü Monza nung Italian Grand Prix tetoktepba nung Mercedes gari anir, Lewis Hamilton-i jakdang külem telok nungi Nico Rosberg-i mezüngbuba jenjang nung takok nguogo.
Arishi küm 31 tain, Germany nungbai tetenzükdang yongi kanga junga pa tamasür tenzüktet aser asemben tashi champion bena alisang, Hamilton dang nungi second 15 agi tama alizüng tua atong.
Tanü takok anguba sülen Nico Rosberg-i Hamilton point ana agi dang memenepi kümogo. Tanü takok anguba sülen Nico Rosberg points 248 kümogo aser Hamilton points 250 nung lir.
Sebastian Vettel-i tasembuba jenjang nung takok angu. Pai pa sülen alisang par Ferrari telok nungi Kimi Raikkonen dang nungi second 5.9 agi tama atong.
Ibai Rosberg atema Italy nung mezüng takok, taküm küm tenzüker takok tenet buba aser pa formula one anitsü tenzüker takok 21buba lir.
“Nenok ajak dang kanga pelar, Italy nung takok anguba atema kanga nema tanga bilemer,” ta Rosberg-i ashi.
Pai tanü iba takok ya mangu asübo Hamilton-i Italy nung hat-trick angurba asü.