Rosberg-i Mexico Grand Prix 2015 kokogo

Mexico City, November 02 (Agencies): Merecedes telok gari anishir, Nico Rosberg-i Mexican Grand Prix (GP) 2015 tetoktepba yashi Deobar nü kokogo.
Arishi küm 30 tain Rosberg-i küm 23 nung tan mezüngsüa Mexican GP tetoktepba akoker lir.
Tan takok anguba ya Roseberg-i taküm 2015 küm tenzüker tanü tashi nung 4 buba aser gari tetoktepa anishitsü tenzüker tanü tashi nung 12 buba takokba angur lir.
Külem Mercedes telok gari anishir, Britain nunger Lewis Hamilton-i yashi tetoktepba nung tanabuba jenjang aser William telok gari anishir, Finland nunger Valtteri Bottas-i tasembuba jenjang ngua liasü.
Tan takok anguba ajanga Rosberg-i Hamilton sülen anidaka, championship shilem nung tanabuba jenjang angur lir.