Rotary Club Dimapur-i 47buba Installation sentong agi

Dimapur, Chiteni/July 02 (TYO): Aami/June 30, 2018 nü Rotary Center, Midland Dimapur nung Rotary Club Dimapur-i 47buba Installation sentong agiogo aser installition officer ji Padamshree PDG Manas Choudhuri liasü, ta tanü ketdangsertem osang ka ajanga metetdaktsü.
2018-19 küm atema Rtn Dr Nitin Agarwal aser Rtn Er Manish Jain nati Rtn Vijay Sharma aser Rtn Subir Saha na dang nungi Tir aser tongti tezülur mapa agizüka liasü.
Rotary club-isa Walker tenla agutsüba den Rotary flagship program- Scholarships aser Heart to Heart project atema tenla agutsürtem nem pelaba certificates agüja liasü.
Iba sentong nung melungtet teloktem, tongtibang nisungtem aser temeimertem dena liasü.
Club-isa züngsem tasen ana- Rtn Manoj Agarwal aser Rtn Sumit Patni na agizük.
Sentong nung Dr Nitin Agarwal-i Rotary omen tasenba “Be the inspiration” nung ajemdaker jembia liasü aser Club tongti tezülur menden nungi anensangi Rotary Year 2017-18 küm club-i inyakba project balala indang osang tongmelang agi metetdaktsü.
Installation Officer, PDG Manas Choudhuri-i nüngdakbapurtem taküm nung temelenshi bener arutsüba nung rotary teinyaktsü shilem lemsatep aser Rtn Payal Acharjee-i tepela anküp o jembia liasü.