Rotary Club Kohima-i Deworming day amung

Kohima, July 3 (TYO) : Rotary International District 3240 De-worming Day tenüng nung Rotary Club, Kohima-i tanü Kohima Orphanage & Destitute Home aser NMA indang AIDS Hospice nung tanur nem de-worming mozütem agütsü.
“Kümshia Rotary International De-worming Day ji July 1 nü amunger, saka kodamasüba timtem kar ajuruba ajanga Rotary Club, Kohima-i iba anogmung memungtet” ta tanü Rotary Club, Kohima president, Richard Dzuvichu-i metetdaktsü.
Tanü Kohima Orphanage & Destitute Home aser NMA indang AIDS Hospice nung Rotary Club, Kohima züngsemtemi tanur nem de-worming mozü den külemi tsüngsem, sapon, anüshi, mitai aser chiyungtema agütsü.