Rotary International ajanga oxygen concentrator asem tenla agütsü

Dimapur, Luroi/August 27 (TYO): COVID Response Project ka ama Sainte Marie Garros Centenaire (Reunion Island France), Indian Business Club (Paris, France), Rotary Club of Mumbai Ghatkopar (R.I. Dist 3141), Rotary Club of Nagpur South East (R.I. Dist 3030), Indian Chamber of International Business (France) aser Host Club – Rotary Club of Kohima (R.I Dist 3240) ajanga August 26, 2021 nü Chief Minister Office, Kohima nung Department of Health & Family Welfare, Govt. of Nagaland nem oxygen concentrator set asem tenla agüja liasü.
Iba sentong nung Amardeep S. Bhatia IAS, K.D. Vizo ITS, Manpreet Singh Nagi, Rajan R. Thaokar, Kohima Rotary Club President Rtn. Kezhokhoto Savi, First Lady aser PP Rtn. Neisatuo Mero nungertem dena liasü.
Rotary International indang motto “Service Above Self” ajanga ashiba ama aser taküm omen “Serve to Change Lives” nung ajemdaker Rotary Club Kohima tir Rtn. Kezhokhoto Savi-i nüburtem dang talisa COVID-19 tashidak agi tesem ajunga sünger aliba mapang nüburtem maneni yaritsü, ta ashi.
Club ajangasa maneni Phek district kübok Community/Primary Health Centres nem oxygen concentrator tera agütsütsü aser ano kar arutsü lir, ta pai ashi.
Ano maneni club ajangasa Kohima jila nung aliba Government High School ka nem vending machine tenlatsü, ta ashi.