Roy ya maongka bushir ka lir: Barak Congress

Guwahati, August 13 (Agencies): Congress nungi anenja aliba lennir Gautam Roy-i BJP nung adenba atema Barak valley nung BJP lennir tejentemi ola madoker, ajisüaka Congress lennirtemibo pa ya maongka bushiba nisung ka ta aitsüogo.
Congress MLA Kamalakshya Dey Purkayastha aser taoba Congress minister Siddique Ahmed naprongi Roy dang maongka bushiba ‘politician’ ta jaloktsüogo.
Roy-i BJP nung adenba ajanga Congress-i takoksa kecha majurutsü kechiyong pa ya pa atema dang bilema inyakba politician ka lir, ta tenati ashi.
Roy-i BJP nung adenba sülen Congress posemer noklang ka shi kati BJP nung adentsü ta osang metetdakja lir.
Roy-i teti tashi aginüa liasü aser 2016 küm Katlicherra Assembly constituency nungi pai tamakok anguba sülen nungi pa tashi melii aküm, ta Hailakandi district Congress Committee president Joinal Uddin Laskar-i ashi.
Külen, Barak Valley nung BJP lennir tejen aikati Roy party nung aniokba atema ola madoker.
BJP lennir tejen aser taoba Union minister Kabindra Purkayastha-i Roy aniokba atema ola madok aser iba ya party telemtetba liasü ta dang ashi.
Hailakandi district BJP president Subrata Nath-ia “onoki Hailakandi nung Roy posemertemi inyaksangshiba jungjunga mita reprangtsü kechiyong pa tashi alidang parnoki syndicate takang ka tenteta lir” ta metetdaktsü.
2016 Assembly election nung AIUDF candidate Suzam Uddin Laskar-i Roy madak takok ngua liasü.