Royal Enfield March ita nung timba yokotetgo

April 1, 2017 : Royal Enfield motorcycle linük nung aser bendang lima nung ayokba ajak senteper March ita nung 60,113 yoka liasü. Yaküm kasa ita den medemdangra shilem 17 agi tali ayokba asadangteter.
“Royal Enfield ita shia ayokba medemdangba nung 2017 March ita India aser bendanglen ayokba ajak bendenteper motorcycle 60,113 yokogo. Yaküm kasa ita den medemdangra shilem 17 agi tali yokogo. Küm tsüngda ayokba nunga shilem 31 agi timba akümba jangjaogo.
Financial year 2016-17 tsüngda nung motorcycle 666490 yoka liasü. 2017, April 01 nungi tenzüka BS IV compliant motorcycle tem customer nem agütsü tenzüktsü,” ta, Royal Enfield company nung tir, Mr Rudratej Singh-i motorcycle ayokba indang jembidang ashi.
“Royal Enfield-i maneni motorcycle tajung yanglutsü asoshi sentong tajung yanglua inyaktsü, India ajunga nung Royal Enfield dealer 675 kümogo. Küm shia April ita mezüng Deobarnü ‘One Ride’ amala sentong ayonga amungba ajanga iba motorcycle anishirtem tali jangratema anishitsü asoshi ajungshitsü,” ta paisa shisem.