Royal Film Performance 2015 nung Spectre film sayatsü

London, September 17 (Agencies): Tesüsaba James Bond film Royal Film Performance 2015 sentong nung sayatsü renemba osang ka EON Productions, Metro-Goldwyn-Mayer Studios aser Sony Pictures Entertainment teloktemi metetdaktsüogo.

Taruba October ita 26 nü agitsü ayongba Royal Film Performance sentong nung 24 buba James Bond film, ‘Spectre’ sayatsü aser iba sentong nung Queen Elizabeth II, Duke of Cambridge, Duchess of Cambridge aser Prince Harry nunger densema Britain’er chuba kibong adentsü sentong renema lir.

The Royal Albert Hall nung agitsü ayongba sentong nung Daniel Craig, Christoph Waltz, Léa Seydoux, Ben Whishaw, Naomie Harris, David Bautista, Monica Bellucci aser Ralph Fiennes nunger densema Bond film nung shilem agirtema adentsü sentong lir.

Britain nung yangluba film, cinema aser television sentongtem nung shilem agirtem yaritsü asoshi tentetba Cinema & Television Benevolent Fund (CTBF) nüngtem nung iba Royal Film Performance sentong ka kümshia ayonga agir.

‘Spectre’ film ya India nung taküm November ita 20 nü sayatsü renema lir.