Royal Scotts teloki 5 buba DPL T20 takok marok agizük

Dimapur, January 27 (TYO): Delhi nung tentetba Royal Scotts Cricket Club-i wicket 2 agi Dimapur Royal Cricket Club madak final asaya koka 5 buba Dimapur Premier League (DPL) Twenty20 (T20) asayamong takok marok yashi Mongolbar nü agizükogo.
Puchu Deb aser Sedezalie nati runs 11 aser 52 agiba densema, par Royal teloki overs 20 nung wicket 9 laoa ajak agi runs 92 yanglu.
Ajisüaka, Scotts asayar, Naveen Kumar aser Sunil Pal nati runs 25 aser 11 yangluba densema, par teloki wicket 8 laoa over 18 buba nung Royal teloki yangluba runs ajangateta final asayaji akok.
Final asaya nung Royal asayar, Sedezalie Man of the Match shim.
Tan asayamong asaya 4 nung wicket 12 agir Royal asayar, Tahmeed Rahman tan asayamong nung Best Bowler shima pa nem takok marok den senpet sen 5000 agütsü.
Asaya 4 nung ajak agi runs 145 yanglusang, Flamingoz SC asayar, Hokaito Zhimomi Best Batsman shima pa nema takok marok den senpet sen 5000 agütsü.
Asaya 5 nung wicket 6 agiba den külemi, runs 135 yanglusang, Scotts asayar, Naveen Kumar Man of the Series shima pa nem takok marok den senpet sen 10,000 agütsü.
Champions telok, Scotts-i running trophy den senpet sen 70,000 aser tanabuba jenjang angur Royal teloki tanabuba takok marok den senpet sen 50,000 agizük.
Semifinal asaya nung tamakok angur, Flamingoz aser Victoria Stars telok naprongla nem senpet sen 10,000 agütsü.
Tanü asayamong shibangba sentong nung Zhimomi Groups of Industries nung Director & Nagaland Cricket Association züngsem, Anato Zhimomi tongti tesemdanger liasü.