RPI(A) Nagaland State Unit-i metetdaktsür

Dimapur, March 20 (TYO): Taruba Lok Sabha elections nung Republican Party of India (A) tenüng nung tokteptsü jangraba Naga lisopurtemi March 23, 2019 matongdang tenüng agüjang ta RPI(A) Nagaland State Unit President, I Chubatangit Jamir-i metetdaktsü.
Election nung toktepnürtemi bio data den kulikakettem agütsütsü metetdaktsür, ta I Chubatangit-i sangdong ka nung ashi.
Külen, RPI (A) National General Secretary, Dr. Mohanlan Patil-ia Chief Electoral Officer Nagaland dangi züluba shidi ka nung Nagaland state nung Lok Sabha elections mapang RPI(A)-ia tokteptsü ta shia lir.
“Ozü party ya Election Commission of India nung züngsema lir aser Nagaland Lok Sabha elections atema ni National General Secretary-i “A” & “B” forms nung sign asütsü” ta Dr. Mohanlal-i CEO dangi züluba shidi nung shia lir.