RPI(A) tenüng memenüktsütsüla: Vinod

Dimapur, March 17 (TYO): March 8, 2019 nü nisung ka tenüng agi Mohanlal Patil-i sangdong agutsüba March 9, 2019 nü osangkaket (Tir Yim Yim) nung adok, iba sülen March 17, 2019 nü media balala nung Chubhatanget Jamir ji RPI(A) Nagaland state President ta metetdaktsü; iba osangji tai aser tajemdakdak maka; National Party President RPI (A), Ram Das Athawale Union Minister for Social Justice & Empowerment den jembiteper iba sangdong agutsür, ta Observer cum In charge for North East India & West Bengal, Vinod Nikalje-i tanü sangdong ka ajanga metetdaktsü.
“Iba sangdong agutsübaji party inyakyim nokdangtsü atema merangba mapa ka lir, iba ya lenir kati Union Minister Ram Das Athawale aser pa telemtetba mejangjaba lir. Anungji Party state President RPI(A) Nagaland State Committee ji Mughato Ayemi, ta asüba nung tanü tashi kecha temelenshi mali. Nagaland nung party dak sendakba mapatem inyaktsü pa dak tashi lir, pai agiba telemtetbaji State aser Centre naprongla nung züngshitsü,” ta kasa sangdong nung shia lir.
Nisung kari danga party lenirtem tenüng aser noksa amshia lenirtem aser party tenüng menüktsütsü merangra temerenshi tulu alitsü, ta kasa sangdong ajanga metetdaktsüogo.