RSS anema noktakba tashi tulutibaji Congress Party lir: Rahul Gandhi

New Delhi, November 07 (Agencies): Tanü New Delhi nung Congress Party tatong Tir, Rahul Gandhi-i, Rashtriya Swayamsewak Sangh (RSS) aser parnok tangatetbatem anema rarar tashi tulutibaji Congress Party lir, ta ashi.
India linük nüjiso ngur mezüng Ato kilonser, Jawaharlal Nehru sor küm 125 ajungba anogomung nüngtem nung New Delhi nung ayongzükba National Conference nung jembidang Congress tatong Tir Rahul-i, “Onoki (Congress) RSS aser parnok tangatetba anema menoktaker ta jembitsüji tim masü. RSS anema rara arur tashi tulutibaji onok lir,” ta ashi.
Linük Temzüng nung tamangba yimsü balala sadoka amangtsü aser benshitsü sensotem nem temeten agüja aliba ozüng dak sentakba onük nung panel kati asüngdangba langzüdang Rahul-i iba telangzübaji agüja liasü.
“RSS indang mapatongtemji India nung tsüngremeri aniba aser nisung ka kijai yimsüsüba lir. Tang mezüng India nung Linük Temzüng yimjak nung sadoka anema noktakba Fascist tentet kati tashi (sorkar tashi) nguogo,” ta Rahul Gandhi-isa ashi.