RSS-i tekülem kidang raraba oset rizünger: Kerala minister

Thiruvananthapuram (Kerala), August 29 (Agencies): Tanü Kerala minister,  Kadakampally Surendran-i, state nung Sangh Parivar teloki (RSS) tekülem kitemji raraba oset rizüngdak kümdaktsütsü meranger, ta tai tongloktsüogo.
Facebook post ka ajanga Minister-i, state nung CPI(M)-i aniba sorkar dangi iba dak sentakba onük aika arur, ta ashi.
“RSS densema iba teloki ozüng alema inyakba mapatem jenti inyakba osang kü dangi arur. Iba ama mapang ka nung lokti nung tetsübu makai kümdaktsütsü atema inyaktsü nüngdak,” ta minister-i ashi.
Minister-isa, RSS-i shrines tem nung raraba osettem rizüngba aser raraba oset amshitsü training agütsüba ajanga tekülemertemi shrine-i marudaktsütsü meranger, ta aitsü.
Tekülem kitemji tamangba yimsü benshitsü atema lir ta shia Surendran-i, tekülem ki centre temji ozüng alema inyakba tesemtem kümdaktsütsü sorkari memelatsü, ta ashi.
“Iba ya anentsü atema sorkari ozüng takang agi inyaktsü,” ta paisa ashi.