RSS-i teyari agüja Assam nung bendangertem anema mapa inyak : Tarun Gogoi

Guwahati, April 16 (Agencies) : Assam nung küm trok tashi bendangertem anema raraba maparenji Rashtriya Swayamsevak Sangh (RSS)-i teyari agüja inyakba liasü, ta Chief Minister Tarun Gogoi-i aitsü.
“Assam Agitation ji RSS ajanga yaria inyak. Shisalen sayurtemji BJP lennirtem Atal Behari Vajpayee aser Arun Shourie nunger liasü. Iba maparen atema RSS-i senotsü teyari agütsü. Senotsü ajak RSS-i agütsü” ta Gogoi-i metetdaktsü.
“Mezüng nungbo anti-foreigners movement (1979-85) ji bendanger ajak anema liasü saka RSS den puteptsü atema lungkak aitba lennirtemi tesülen Bangladeshi nunger anema dang inyak” ta Gogoi-isa ashi.
RSS-i Assam nung alirtem temulung yirutsütsü merang, ta paisa aitsü.
Assam accord agiba sülen anti-foreigners movement anen aser iba ajanga Assam nung bendangertem ajitettsü aser tarudaki meyipa yoktsü atema anogoji March 31, 1971 asütsü ta telemtetba agi.
Tan April 4 aser 11 anogotem nung Assam assembly elections atema election agi. Iba tetoktepba indang vote ji May 19 nü azüngtsü.
Gogoi-isa osangbenertem dang par teloki assembly menden teimba nung takok angutsü ta ashi.