RSS lenir kati Kerala CM Pinarayi tekolak tangzüker nem senpet crore 1 agutsütsü sangdong

New Delhi, March 03 (Agencies): Madhya Pradesh, Ujjain district nungi Rashtriya Swayamsevak Sangh (RSS) lenir kati yimjak nung, Kerala Chief Minister, Pinarayi Vijayan tekolak tangzüka bener arur nem sen crore 1 senpet agutsütsü, ta sangdong.
Ujjain nung aliba Shahid Park nung lokti ka den jembidang Ujjain Sah Prachar, Pramukh Kundan Chandrawat-i “RSS nung inyaker tepsetsang, Pinarayi tekolak shibai tangzükdir, aser pa kolakji kü dangi bener arudir ni sen crore ka jenjang kü kiojentem agutsütsü,” ta ashi.
Paisa, RSS nung inyaker nisung 300 dak tema tepsetogo, ta ashi.
RSS lenir jagisa 2002 küm Godhra rara aser iba sülen Gujarat nung Muslim nunger jenti tepsetba rara atema nümatanga jembi.
“Parnoki Karsevaks 56 tepset, aser onoki nisung 2,000 leper-i yok,” ta pai ashi.
CPI-M lenir, Sitaram Yechury densema Left party lenirtem aikati RSS leniri jembiba oji aitsüogo.