RSS tali renlokba ajanga Tripura CPI-M tebilemtsü akar

Agartala, July 19 (Agencies): Joko ita ishika state nung RSS inyakyim melungi renloka aoba ngua Tripura CPI-M teloki tebilemtsü akaba lemsatepogo.
State CPI-M nung tezülusang Bijan Dhar-i, state nung aliba party committee-i BJP-RSS politics aser mapa asadangba mapang parnoki inyakyim agi state sobaliba aser amalitep yimya samatsütsü meranger, ta media den jembiba mapang metetdaktsü.
Pai ashiba agi, BJP tali ajungkettsü atema Assam aser West Bengal len nungi RSS den yariteper tsümar züngsem aika state-i aita lir.
Tripura yimtsüngtem nung Bengal oshi jembiba ajanga tsümartemi yimtsüng nung alirtem den par oshi agi sensaksema parnok tsütsüi atsür aoer, ta Dhar-i ashi.
Indigenous Peoples Front of Tripura (IPFT) aser RSS na inyakyim ya tera putepa lir. IPFT yagi tribal aser non tribal na yongtsü meputep adokdaktsür aser RSS yagi Hindu o Muslim na tebilemba den asayar.
RSS, BJP aser IPFT inyakyim nokdangteta state nung yimjung aser tesünep alitsü asoshi CPI-M-i par züngsem ajak aser yimtsüng tanishirtem dang kanga kümdanga alitsü asoshi tetuyuba agütsüogo.
“RSS-i Tripura nung parnok züinba nung yaritsü atema parnok den yariteptsü nübu 300 yoka lir,” ta Dhar-i ashi.
Parnoki kaketshirtem dang exercise agitsü sayur saka parnok nükjidongjibo BJP atema nübu ayimerba lir.