(Rtd) Project Director, K Inavi Chishi den tepila sentong agiogo

Zunheboto, Metsüremi/March 08, 2022 (TYO): Hombarnü (07.03.2022) DRDA Rest House, Zunheboto nung DRDA Zunheboto-i mapa nungi anisüngzüker (Rtd) Project Director, K Inavi Chishi den tepila sentong agia liasü, ta sangdong ka ajanga metetdaktsü.

Iba sentong nung Deputy Commissioner Zunheboto, Peter Lichamo (IAS)-i ashiba agi, sorkar tenzükba wadang nung inyaka aser temang shi nung anema lia mapa nungi anisüngzükba ya sempet tulutiba rongnung ka asütsü, koba teinyaker kati pei nem lemzüktsüba mapa nung bendanga agüja inyaker sülen iba sempet ya agitsü akok.

Mapa nungi anisüngzüksang Chishi-i sorkar tenzükba wadang nung alidang pai bendanga agütsür inyaktsü mechi khuret bena aser nungitta yariba atema DC-isa Chishi’er kibong züngsem danga pelaba lemsatep.

Iba sentong nung APO cum DPO, Kuhucuyi D.Vadeo menden liasü. Jimokali K. Rotokha-i ken ka aten.

Engineering wing, NRLM, VDB association, MGNREGA aser DRDA  tenüng nung nisung balalai o jembiogo.

(Rtd) Project Director, K Inavi Chishi-i, temoatsü angutsü mechi pei nem lemzüktsüba mapa ochishia aser bendanga agütsür inyaktsü asoshi department ajungshia liasü, ta kasa sangdong ajanga ashi.