RTI awareness programme ka Wokha nung agi

Dimapur, Metsüremi/March 4 (TYO): Nagaland Information Commission-i achaayanga Wokha jila kübok Tiyi hall nung March 4 nü RTI Act 2005 awareness programme ka ayongzüka kaogo. Iba sentong nung First Appellate Authorities (FAAs), Public Information Officer (PIOs), Assistant PIO, Village Council, Town Committee, tetsür lokti tentet, Civil Society organization aser RTI activists tem dena liasü.
Chief Information Commissioner, Nagaland, Chanbemo Lotha-i power point presentation ka agütsüba mapang RTI aser constitution dak sendakba nung temetettsütem metetdaktsü, aser iba act nükjidong sentepa aliba nüburtem nem metetdaktsü. Pai ashiba agi, RTI ya Right to Information benoktsü asoshi aser public authority tem transparency aser accountability ajungkettsü atema hadir ka lir.
Paisa, koba onüktem nung ken o ashishitettsü aser koba onüktemsa mashishitettsü item indang osang agütsüba den PIO aser APIO tem khuret, PIO tem shilem, RTI Act koda tongibang, nüburtemi application benokba sülen PIO temi agiba jenjang, State Information Commission, penalties aser tanga tongtibang onüktem indang jembia liasü.
Iba sentong ya EAC Wokha, Arhomo Yanthan lenisüba kübok aka aser Wokha Deputy Commissioner, Dr. Manazir Jeelani Samoon, IAS-i lokti pelaa agizükba o jembia liasü. Sentong nungsa ADC & PIO Wokha, K. Mhathung Tsanglao-i tepela o jembi. State Information Commissioner, G.H Ramlia aser Secretary State Information Commission, Worhonthung nata iba sentong nung dena liasü.