RTI küm 10 ajungba mung March 03 nü amungtsü

Dimapir, February 04 (TYO) : Nagaland nung Right To Information Act (RTI) benoka amshi tenzüker taküm küm ter ajunger. Iba dak sentakba nung Nagaland Information Commission-i state rangben nung iba küm 10 ajungba mung March 03, 2016 nü Capital Convention Centre, Kohima nung amungtsü asoshi sentong yangludar.

February 4, 2016 nü IPR den pa indang office nung senden ka amenba mapang State Chief Information Commissioner, Bukchem Phom-i, iba sentong ya ‘RTI : Trust Through Transparency’ omen nung ajemdaker anogo ka amungba sentong ka asütsü, ta ashi.

State nung aliba department aser lokti balala nungi FAAs, PIOs aser APIOs ajak iba sentong nung adentsü, pai metetdaktsüogo.

Oba den külemi Nagaland State nung aliba RTI nung tekadensüa inyakertem ajaki iba sentong nung adentsü asoshi jilia lia renema atatsü pai kasa senden nung sangdong.

Iba senden nung NIC Secretary, Worhonthung Ezung den IPR ketdangsertem dena liasü.