RTI züluyim aser metettsü asoshi

Kechiba RTI tasüngdangba aser telangzüba ajak osang kaket aser mopunglushi (internet) nung lemsateper aser nüburtem danga yamaji lemsateptsü ayongzüker (?) ta süra RTI zülua asüngdangtsü tanü asüng Naga nunger lanur ajaki ama züluteter/asüngdangteter, ajisüaka ACAUT dak alaka ochi jungkai adoktsüba mangur. RTI-ji asüngdanger ajisüaka ola makai nembanger. Aseni sen agütsüali mangu, osang angashiba dang, noksa tangoka maka aser ibaji meteta aliri okadaki bener mounür, anungji nübur ajaki RTI asüngdanga ochi jungkai adokdaktsütsü asoshi maneni lemsateper.
Asen Naga lanur noklang pongui danga Department-tem dang maneni RTI asüngdangtetra shibaang mesüzüker shibaang memesüzüktsü ? Anungji Department-tem asoshi ochi inyakbajisa tajungtiba ta apijema inyaktsü mapang arutsü.
RTI ya pei tetsü oshi agi asüngdangtsüji takoktsü, ajisüaka osangtem tejangja bendener okadak PIL benoktsü ajia asen temeten aser ibala mapang oshioben nung tetsükdaktsü malitsü asoshi akok tashi tashitemeteter nem mapang peria agia English nung meyipzükdaktsüba tajungba. Tsünglanglen agüja aliba ya English nung meyipdaktsür asüngdanga lir; ajisüaka mezüng Ao nung züluba ama yangi lemsateper. English nung zülua aliba aser kechiba yamai zülutsüa aküm? Itemji reprangdangnüra “RTI Nagaland” ngutepkaket telok nung reprangtsü akok.

To,
The First Appellate Authority
Department of Rural Development
Nagaland: Kohima.
Sub: An appeal under Sec 19 of RTI Act, 2005.

Sir,
Ni asüngdangba RTI ne Department nung PIO-i shitak melangzüba ajanga ne dangi ibai zülutsüsa aküm. Kechiyong ni asüngdangba Rural Development Department PIO-i 08.06.15 anogo nung telangzüba agütsüba züngya 3 (i) (ii) & (iii) itemji mabensa, tai liasü.
Ni metetnüa asüngdangbaji 3
(i) MGNREGA tetenzük nungi 2014-2015 küm tashi nung Department-i center nungi küm shia anogo kwi sen agizük? Aji liasü, saka PIO-i telangzüba agütsübaji ni aginüa asüngdangbaji masü tanga dang liasü.
Ni metetnüa asüngdangba 3 (ii) Iba scheme tetenzük nungi 2014-2015 küm tashi nung district shia nem Department-i anogo kwi sen agütsü? Aser district shiaji sen kwi liasü? Aji liasü, saka PIO-i telangzüba agütsübaji, mangateter, meperi aser ni aginüa asüngdangba masü tanga dang liasü.
Ni metetnüa asüngdangba 3 (iii) District shiaji job card akar küm shia kwi liasü? Aji liasü, saka PIO-i telangzüba agütsübaji mabensa liasü.
Ajiasünung tang na nungi itemi tejangja aginür :
i. MGNREGA tetenzük nungi 2014-2015 küm tashi nung Department-i center nungi küm shia anogo kwi sen agizük ?
ii. Iba scheme tetenzük nungi 2014-2015 küm tashi nung district shia nem Department-i anogo kwi sen agütsü ? Aser district shiaji sen kwi liasü?
iii. District shiaji job card akar küm shia kwi liasü ?
Ni mezüng asüngdangba application under RTI Act, 2005 anogo 08.06.15 aser Rural Development Department PIO-i langzüba anogo 10.07.15 anaprongla Xerox copy inoktsüa lir.

Yours faithfully,
S. T. Yapang Lkr. (Temsuyapang)
Department-i agizükba anogo 25/08/15

Ibai ni mezüng asüngdangdang PIO-i junga melangzüba den ni aginüa asüngdangba ama masü osang tai agütsübayong Department nung tekolakba dangi zülu (Director/Head of the Department), iba sülen anogo 30 nungi 45 tsüngda tekolakbai magütsütetra State Information Commission dangi zülutsü, ibajibo anogo shia senchi achitsü.
Department-tem nung ochimashiba mesüra nisung jak repranga inyakba kuli tejangja lira okadak inoktsütsüji asen temeten lir, kechiyong asen lima nung scheme ajak ama tulur den jungtepa alir yim/telok/neja dang sen timba angur, shir yim/telok/nejai senpet timba agütsüdir par nemji temoatsü tuluba agütsür, ajisüaka itemi sorkar nükjidong anema dang asütsü akok, yangi nübura tai lir, kechiba süra nüburi tulur ya temoka amshir aser pei temeten asoshi ola tilaka adoktsü tsübur, pei temeten asoshi ola adokra tarutsü nung pei yimerji Department jagi memeimtsü ta tsübua bilemer, ibaji pei mashimaluba ajanga lir. Sorkar nükjidongji sensaker ajak jenjang ajungkettsütsüba asoshi lir, yangi tulur/ketdangser den jungtepa alir nem timba agütsütsü aser pai/lai memeimba yim aser senpet magütsür nem ishiba agütsütsü ta asütsüji tim asü masü ? aji okadak jangjaba tajungba asütsü.
Tang ano kuli tejangjaba metettsü asoshi yim telung tashi lua asüngdangtsü renema alibaji ibai, nüburtemi yariteptsü imlar.

To,
The Public Information Officer,
District Rural Development Agency,
Mokokchung: Nagaland.
Sub: Application under RTI Act, 2005.
Sir,
Ni tanabenbuba asüngdangba RTI nenoki telangzüba agütsüba DRDA/MKG/NREGA/RTI-1/2009-10 Dated Mkg 23rd June’ 2015 nung ajemdaker maneni ibai asüngdanger aser ano tanga kar metetnür:
1. 2013-2014 küm kechi kuli ajanga Tuli block dak alaka tanüngba block nung yim shia anogo aika tetsüngda/tepila lia agütsü ? Kechiba yamaji bensa amshi ?
2. Iba telangzüba nung Changtongya Block kübok job card akar kwi ali, shia mali, kechiba?
3. Maneni MGNREGA scheme tenzükba küm nungi 2012-2013 küm tashi indang itemi metetnür:
i. Mokokchung District asoshi iba scheme tenzükba küm nungi 2012-2013 küm tashi center nungi küm shia sen kwi yok aser aji anogo kwi asoshi liasü ?
ii. Mokokchung District kübok yim shi nem anogo kwi sen agütsü/lemtsü küm shia tejangja (yearly wise).
iii. Kümshia job card akar kwi liasü ? (küm shia tejangja.)
4. MGNREGA scheme tetenzük nungi 2014-2015 küm tashi anogo sen ya block shia kasa agütsü asü masü? Küm shia anogo ka senji kwi liasü? Kasa magütsüi lira aji kechiba?
5. MGNREGA guideline nung job card akar ka nem küm nung ishiba agia anogo kwibo agütsütsü tuyua lir?
6. National Rural Livelihoods Mission ajanga Mokokchung District nung 2013-2014 & 2014-2015 küm ana tsüngda teyari angur SHG tenüng aser yim tejangja, sen kwika, oset kechisa agütsü?
7. IAY scheme nungi Mokokchung District nung 2013-2014 küm CGI sheets, Ridging, Water tank agütsü, süra item oset yim shia koma, kwi lemtsü/inyak? Teyari angur yim/nisung tenüng den amount? Anosa iba scheme nungi sen 922.242 lakh itemji koma amshia ali? Tajangzük angur society, yim, nisung tenüng den amount tejangja?
8. Kasa IAY scheme nungi Mokokchung District nung 2014-2015 küm CGI sheets, Ridging, Painting agütsü, süra item oset yim shia koma kwi lemtsü/inyak? Teyari angur yim/nisung tenüng den amount? Anosa iba scheme nungi sen 215.888 lakh itemji koma amshia ali? Tajangzük angur society, yim, nisung tenüng den amount tejangja?
9. PBL card ya shirnok angur? Sorkar mapa nung alira iba PBL card aser yimdaklir asoshi aruba scheme balala nungi teyari angutsü akok asü?
                                         Yours faithfully,
                         S. T. Yapang Lkr. (Temsuyapang)