Russell Brand-i pa tebu ka akumtsü ta osang jangjatsüogo

July 10, 2016: Comedian, Russel Brand-i tedong Laura Gallacher den mezüng chir asotsü imladar, ta metetdaktsü.
Arishi küm 41, Brand o tedong na tanur bena lir ta mezüng May ita nung osang temai adoka liasü, iba den küelmi tawa tena aniasüngtepogo, ta osang angazüker.
Instagram nung Brand-i pai Dean Beaumont-i züluba kaket, The Expectant Dad’s Handbook bener tangokba noksa ka lemsatep, aser iba noksa nungji pai yamai zülua lir- “Kütsüi iba ya kü nem alitsü. Renema alitsü mapang tongogo.”
Ita ana tejaklen la tanur tebu akumtsü ta osang jembiba sülen tang mezüng pai iba osang jangjatsüogo.
May ita nung The Sun osang ajanga, Gallacher ita pongu mashisa lir aser Brand den ita trokbuba külemi lidar, ta sangdonga liasü.
Taoba ita Brand-i Gallacher dang kibong akumtsü asüngdang aser party ka ayongzüka tena aniasüngtepogo.