Russell Crowe film ka asoshi seret 23 ajema kümogo

Los Angeles, March 18, 2016 : Actor Russell Crowe-i “The Nice Guys” film nung shilem agitsü asoshi nüngdakba ama pa temang tuozük seret 23 ajema kümdaktsüogo.

“2015 August ita tetenzük nung kü temang tuozük seret 121.5 (kg) liasü. Ni  ‘The Nice Guys’ film nung shilem agi aser iba film nung nüngdakba ama ni iba tuozük ajema kümdaktsü,” ta Brihostibarnü radio show den jembidang Crowe-i ashiba aceshowbiz.com ajanga metetdaktsü.

“Ni tang iba tuozük mesemtsü meranger aser tang kü temang tuozük seret 98 (kg) kümogo,” ta pai shisem.

2000 küm Oscar award angusang actor, Crowe pa “Gladiator” film nung shilem agidang yiruba tarak ka sayua liasü. Pa agi ama temang shilanga arutsü asoshi protein kanga aliba chiyungtsü trokben nungi tiben achitsüsa akümer.  Ano 1999 küm “The Insider” film nung Big Tobacco company nung executive Jeffrey Wigand ama shilem agitsü asoshi pa temang tuozük ajemdakja liasü.

“The Nice Guys” film nung Crowe-i 1970’s küm aliba Jackson Healy ama shilem agidar.

Iba film ya Shane Black-i direct asür aser taküm May 20 nü sayatsü sentong lir.