Russia-i Iran nungi Syria amak

Moscow, August 16 (Agencies) : Tan mezüngsüa Iran nung amenoka aliba air base nungi apusoa oa Syria nung telungpur aliba tesemtem nung tapoktsü ajungoktsüogo ta ashi.
“Parnok tayimtsü anenba tesem Hamadan (Iran) nungi Tu-22M3 long-range bombers aser Su-34 frontline bombers tem sünga tapoktsütem bener apusoa oa Aleppo, Deir ez-Zor aser Idlib province tem nung Islamic State (IS) aser Nusra Front telungpurtem aliba tesem nung ajungoja pokdaktsü,” ta Xinhua news agency osang ajanga metetdaktsü.
Rara dang amshiba Su-30cm aser Su-35 fighter ya Hmeimim air base, Syria nung lir aser iba nung yangi mission nung yarir, ta sangdong ka ajanga metetdaktsü.
Ministry-i, rara dang amshiba oset yua aliba warehouse tulu pongu, prangpong aser injang, command post asem aser training camp aika raksatsüba den telungpura aika tepsetogo, ta ashi.