Russia-i nuclear osettsüset yanglua rizüngtsü: Putin

Moscow, December 21 (Agencies): Russia-i tongpang nung amshitsü nuclear osettsüset yanglua rizüngtsü saka kasaji tongpang nungbo mamshitsü ta Russia Tir, Vladimir Putin-i tanü Hombar nü sangoktsüogo.

Russia sorkari ketdangsüa television nung sayuba ‘World Order’ documentary sentong nung shilem agia o jembidang Putin-i iba olenji metetdaktsü.

“Russia ya alima ajunga nung nuclear osettsüset yanglur mezüngpur rong nung densemba tongti linük lir aser alima tongpang balala nung nuclear osettsüset mamshidaktsüi nokdangtsü nükjidong nung Russia-i nuclear osettsüset yanglua rizüngtsü tangatetba yua lir,” ta Russia lenisangi osang jangjashitsü.