Russia-i raratsü kor renemer

–  I. Imdong Jamir, Sungkumen.

Recent statistics show that Russia owns 10% percent of the Horses in the world today. They are now producing a new breed of Horses that are known for their endurance and stamina in the coldest weather, the ones who hold to this view believe that large numbers of horsemen will be used by Russia in the battle. Not Armageddon, but against others.
-By Homer Duncan, USA.
Mapang tatempang nung anüdoklen tip chubai pa dak atsüngtesü saka anuolentip chubai pa anema tsüngrem mopung ka ama talungtsütem aser kor sepoytem aser rong jenti den arutsü aser pai linük ajanga tzümetsüng ama suitsü.
Daniel 11:40
Saka iba anogo nung kodang (Gog) Moscow-i Israel linük makdir kü mit adoktsü ta kibuba tsüngremi ashir. Ezl 38:18
Aser iba anogo nung kibubai ashir, kor shia dak temangmangtsü agi aser pa dak asanger dak yiamata agi tongdak tsütsü. Aser ni Yihuda kidong tenük lapoktsütsü aser kintem kor ayur shia tenük pokdaktsütsü. Zek 12:4
Anungji parnok dang shiang yamai kibuba tsüngremi ashir: Kü O tem joko kata menua malitsü, saka ni jembiba O ataloktsü ta kibuba tsüngremi ashir. Ezl 12:28
Tanü alima osang meyirjangsa meirjang adoker. Shin o mali tatalokba tatalokba tesüngmangtsü osangtem zungshir aser angashir. Asenok ajaki metet 15th Century mapang Yihuda nunger Iskar kidong dak jakzükba nungtogo shiener tashi temeteter ka tenüng agi Michel Nostradamus shibai tanü asen putu nung ataloktsü ajak mangdanga shien O jenti jembia shienba lir ya tsüngremer ata-mata sendong dang masü. Alemli Isaker kibong Beer-sheba nung audang chabaso ana Isau tambusang, tanubosang Yakob liasü. tebu tambur kümer tenük tapok tetsü Rebekai renemtsüba chiyongtsü bener tebu matsüngdang tsübuseta apudakdang tebui olabo Yakob ola, saka Aitangma sarasademtsüdi. Isaki sarasadem “Nisungtemi ne dang tenzükang, aser kintemi ne dang apudakang, nü adianu madak kibur sang, aser nutsür chirtemi ne madang apudakang. Tereprangtsübo Isak saka ola aser ain tashi ajak kibuba tsüngrem o liasü.
Tambur nükpoksang Isak-i sarasademtsüba O tila kada mezüdoki Yakob dak among. Kodang Yakob Kanan lima nung tambur kümer sareper alemli pa lanuwa tebu Isaki pa moatsüba ama, tetsü pezü chirtem, chabaso 12 (teriana) arena mena yutsür, oba sur külen asüng anü nudi, neno nenok putepa dang lia oangma ta pei pei tata soba-liba liyonga aotsü jembia tenzük, yakob bo par chirtem den dang jembir tsüngremibo tanü putu tashi ataloktsü sendong jembir liasü, ya tesüngmangtsüka lir. Pa o tenzükdang Reuben na tambuti tambusa malitsü tzümesungjemtetbaji na lir, pei tebu yipten menentsüsangji na lir, (tebu kinungtsü den mejangba) tebu Yakob kanga jashia adok nung pai O ya jembi Reuben nai nubu yipten menentsü nung nü tambu shilem Yoseb chirtem num agutsür. Aser Israel kidong otsü nungi aidoker.
Tanü asen soba-liba nunga tantsü tambu nungi tenzüka lir-sonü lemsar. Tambuti süaka tsüngrem metsübu tsürabur aküm metsübu temulong madang alu aponger achi ajem mazüoker chidiyongdia jajar aiga pei lemzükba senmang takar kabui oadoker. Pei ki yoker kilidak lia sunzur lir. tsüngrem temoatsü ajemshir tem. Chisu ka yong, pei senmang yokdokertem aiga lir. pei tetsü, pei tebu ku kua jashidaktsür tem, azük ki talang yanglur liaka tsüngdongrodongsa melii pei semchir nem sentsü lutem tulu yutsür asür aiga lir. tambur Yakob-i Isakar naba tashi aitba Gado ka san takdang ana yongtsü mejanga aliba. Tebui kangadang sakloka aliba chabasu par kinunger rongnung pei tebu temulong sungzükdakja aliba chabaso. Putu, küm talangka or kulen Isakar nungi jakzükba semchir Michel Nostradamus alima tashi temeteter kaket zulurtemi ashir, Yihuda nunger pei lima toktsür alima sunga prokshia oa talisa England lima, Russia, France item lima alar kuma ali.
Kibuba Yisu kangki nung angenloktsü kuli bushidang pa zü onok madak aser onok chirtem madak tongang ta pei tebu, tebo asüküm o jembiba menen khuret parnoki aben. Tanü anogo tashi Russia lima nung Yihuda nunger talenba sungra kupok lakh aiga lir. Par tsürabur France lima nung alidang tebo (grandfather) mapang nungi takzu takponga, anung petinutem repranga lia arudang France, Greek, Latin oshi mozu metetba kaket shisatsü, astrology kaket pai bushiteta azüngba tulur ka aküm aser doctortemi asema korangji pai a ngutet. Par mapang nung doctortemi dang asemba korang ka liasü. Pai shinba, pai mangdang nung angubatem Europe lima ajak sunga prokshia ao, pai pei sasa agi masü tebu tebo senmang tsüngremi agutsüba tanüla shisatsü agi shina liasü. Kibuba Yisui kenü kapernaum na anüng tonga mesotsü ama? Na tasüyimi alutsü.
Tebur tajung kapernaum yimti ali telongi lua raksaba tasüyimi aluba otsü lir. Kibuba tsüngrem pa pang ajanga shienba o tem ataloka tenzükogo. Kechiaser tajento tilatiba ka mesüra tasuto tilatiba mataloki malitsü ta kibuba Yisu tebang ajanga shina jembiba lir. temeim osang kaket azüngertem aser khrista yisu dak amanger tem, tanü alima nung tamarentertem, takartem, shisashirtem, bilemdangertem, sensaker, meshi mejunger ajak alima nung ya kechiaser ta shisapulu khuretsa tsübutepa ji khrista Yisu dak amangertem reshi kangshiba, tekelem ki nung tepsetba tetsürtem dak tim mesüi kangshiba, meyirjangsa meyirjang tepseter saka alima chubatemi ola madoker. Tanaba agi India lima nung khristantem reshi kangshir, obendang makai tepseta endoker. Saka tashishir mali, tebu kumer mali.
Tawa Andhra Pradesh nung tasü tait Hindutsür kati, par Hindu yimsü toktsür Khrista agizüka amangba mechi March 21 nüto la tepseter endok, tashishir mali tetepseter tema tepuokdak meyok, alima ya tamajunger ket nung yutsüogo. Yob 9:24 Tanü asen Naga lima lakh ishika 100 nung 100 tamanger revival, revial tsüngrem o talupusa poktetdak lima, reprangang, anogo shia temesep chiyongtsü shibelener meyirjangsa meyirjang tekumdang mitkartemi putener saka mepumar. Tanü alima nung mojingi yimsusuba tenzükogo. Kibuba Yisui ashi, nenok maoksatsü kümdangang. Kechiaser kin-i kin anema yimli yimli anema apusotsü. Noa tensa koma liasü yamaji nisung chir aruba alitsü. Noa tensa nung temeyoktep nisungchirtem masüba jalatem shirnok tebur tajungtem liasü item purtem den talapulatepa kiba kiyi oa lembuteba mechi menentepa ngua kibua tsüngremi tzü agi alima kenyongi taochi makai shidokadok. Anungji Kibuba Yisui Noa tensa indang pai jembisem ibaji tanü asen putu lir. Kibuba Yisui shienbaji tanü ataloker. Kibong, kibong tamang rong renemtsü anogoji tanü lir. Shienba otem mataloki malitsü.
Nostradamus shienba Europe lima ajunga prokshi. Iba anogo Lorraine town nung takar ka tenüng agi Folorinei pa chiyongtsü jaok, takarbaji ak aiga metsüa liasü. Pai kilirdangji ashi ak temesüngbaji tepseter soang. Mapang tadong nung chiyong mapang kiburi Nostradamus dang asüngdang asenok koba askhi den chiyonger? Pai langzü ak tanak shi den chiyonger, idangjisa pai kilirbaji jar asüngdang, ak koba Tepseta asor? Tanakba, koda asü, nai ashiba temesüngbaji tepsettsü ao nung tzünüi chir liasü aji agi tanakba tepseta asu. Takarbaji kanga aoksa aser Nostradamus shin o ji agizük. Adianutem Kibuba Yisui shienba otemji ataloktsüsa. Kibuba Yisu marudang Ezekel aienker shien aser ibaji tanu lir. aser kibong akümba raksaba aser azü tokshiba tetsürtem o bendangba ama ni na o bendangtsü!! Ezl 16:38 Nuktapangta mapa nngi na anendaktsütsü, aser na joko taa magutsütsü Ezl 16:41 (d) Noa tensaji tanü asen lima kumogo tetsür shibelenba alima nung taaktsü mapa tulutiba tetsü tebui anir yimdong nung pei chala samaba bushir, police thana kima suhgogo.
Tamang rong renemtsü mapangji tanü ya lir. R.B.I (Reserved Bank of India, lakh aiga aputsür mauteter dang ita ishika atasaba ama na ni asoshi taochi tatsüka atasaa alidang kibuba Yisu shien o ya koda nenok taoksa saka ya tetenzüker. Tetezü shien otem ataloktar reprangang India lima kibuba Yisu memetetba lanur ayir, asangur meyirjang meyirjang asen Indian yimdong nung külem kaketshir ayir chanu taküm yamai ala ashi masütsüla, shi azü apong tzüra tema amshir, sungdong nung langkoshishi sendaka yutsüba, tekolak teretbo azü aser shirongi mangemer or tebui pei chir tasümang yimdong nung shia arur. Police bushia senzüba ya anenang anenang, adianutem tanü Hindu tsüraburtem ajiber asüng asenok Naga tsüraburtem ajiptsü menua mali. Asen chala asen semchir kaketshir yokba chirtem anung mongzü, orja, reptitsü, achitsü menua mali, “Kibuba yisui ashi tasuto tila ka tajento tila mataloki malitsü” Alemli Yole ainkeri shienba o kar “Aser parnoki kü nupor asoshi tebur chanu ka agutsü, aser parnok ajemtsü yi asoshi tetsür chanu ka ayok. Yoel 3:3. Iba shien o ya asen yimdak, asen kiyong, asen mepu nung que yanglur nokdaktepa dang lir. Isaker semchir Nostradamus-i shienba otem aigati magizüktet aser mamang, pa shien o “Rongnir tulu ka temaba mendeni atutsü aser anir tuotak mapang kum 7 (tenetbuba nung election mapa nung tepsetsü aser Venice tetsübu agi atongtsü.
Tamarener Rajiv Gandhi Prime Minister kümer küm 7 buba nung tepset. Latin oshi nung Venice tetezü Feminine tetsür melena amshiba Venice ya Italy nung yimti ka lir, aser iba ya Rajiv kinungtsü Sonia melena amshiba ka lir. Kodang Rajiv tepset Soniala tetsubu agi atong. Nüktapangta tsür ka chuba anasai arutsü aser O mejembie külaka maksu enlokja tenetbuba nung sudaktsütsü. Shienzukba ama tetsür ka narojong ka bener aru, aser Rajiv madang apudaka temang nung bena aliba bomb poklokja pa Prime Minister menden küm 7 buba nung tepset. Tsüngrem tenzüker semchir Isak semchir tebu nunger ayanger sa France lima nung liaka tebu tebo, tenzükba külmeba mamai semchir jagi shien. Asenoki nguogo, sura kibuba Yisui shienba aser ainkertemi shienba koda sür mataloktsü. Kibuba tsüngremi maginüba aser mereprangnübaji pa o mamangba, pa o magizükba pai sempar. Küm 20 shi ogo, yim tuluka nung sarasademtsü ao, oagi mejang. Iba aonung par yim tiyong nung volcano adoka pongmang. Sannuker dena arogo lenirtemdang kü pongmang ni ashi. Iba pongmang tuluji lendong tulu lir. tsüngremi asen yimer Nenivi yimti nunger ama tzü mejemi lumidaktsüner. Saka parnoki kü o magizüktet, küm 4 shi lir tsüngremi par yimkong nung mapa tulu inyak.
Tsüngrem O ka lir, saka pongmang pongmangdaktsüba O ya kanga palaka lir. Asangsangnung pa mulongba ka inyakdaktsünüba pongmangdaktsüba lir, temeim kibuba yisudak amangertem Rev, Missionary, Sannüker, tenzüklatem tenzükertem, tantsür tamburtem “The King is coming” America nunger tamangtir Homer Duncan mangdang tanüla ajanga zuluba o tem. Recent statistics shows that Russia owns 70% of the horses in the world today Ezl. 38:14, 15. Tanü laishirtemi ashir, anüdoklen nungi aruba chubatem (Russia) lenmang renemtsü eufrats ayong tuluji konga adoktsü kortem sadem sadema Israel kin Yirusalem amai arutsü tanü nungi tetsüng sepoytem renemshiba Homer Duncan-i zulu. Tsüngrem o tajung meyirjangsa meyirjangpen talupusa jembiogo saka Ja. 22:11 nung ashiba o atalokba mapang yi jemertemi maneni ajemtsü, shi japu jarirtemi maneni japujaritsü, aur rakzükratemertemi maneni rakzükratemtsü parnoki tasütsü tsübua mali. alenseta asütsü tsübua mali “anungji jok ibaji ni meinyaker, saka küdak aliba temenen-i ibaji inyaker Ro 7:17 asenoki shiba tashi angar iba larji asenok lir, nai yisui ashiba angar na? Na par lar lir, aser nü madak pai yimsü asütsü.
Temenen-i asenok madak yimsü asübaji ola madoki tanem tanemi meima, lasa lasa asen madak yimsü asütsü. tatishi agi tekülem ken ka tendi, metenui alitsü titemdaktsütsü. Nü mulongso (imutional) ji atsüita ayutsü. Yamaji lia azümesen tanüla arutsü. Tekülem sentepi ken morapang tanabenjia monutsü, molungpen sür oa tenrapang, ano tanabena onutsü. Nü temulongtetba tajung teti tsüngremi atentsü . Kodang tamadokba (Prodical son) ni apusoa kübo dangi odi ta mulongteter “pa apiga nung alidang tebui (tsüngremi) pa angu (Lenchii aruba lendang ajurutep) kechiaserna ashoshi pei temulongtetbaji tsüngremi aginer, sepoy onur, tsüngrem tenzüknur, kibong kümnur item ajak, tsüngremi nai mulongtetba nungji atentsü. Zutsüra akütsang Syria nunger generalba mulongtetba nung tsüngrem aten, molungsoa 7 ben Yordan tzü nung puongok. 1976, 77 Revival yipru mopung aondang supok nung meima meima teka amar aiga liasü. Nia temulongjang ola agutsür kechi sunursuang su amongdaka yur nokdak. Ken ayima ayima atenoak aten. office nung kü den o mejembir a karbo laisü. Maksü aremtsü tasü itshir dang nokdak office mapa yutsür revival-i kanga aeibenbo maotsüla ta sa songtem. Kaisar chuba o jia angaogo. Molungtetba nungji tsüngremi teti atener. Mojing ji tekelak tekera saka pa tsü mait. Pa mapaji temishi nisung mekümdaktsütsü, azü mesendaktsü, atapisua kümdaktsütsü, lendi nokdangtsü ibaji par mapa.
Pouli anaben Tesalonikia nunger dang yamai ashi, ni ken anaben nenok dangi arua liasü saka satani onok nokdang I Tesa. 2:18(b) Saka pai renemshir revival agutsüi ao. Kodang nai temenen toktsü mezüngdakba, question aiga ajurutsü aji mojing mapa. Mojing jagi asen küleri amenzktem amshitsü. Aseh kiyonger-a pai tenyatsü. Kechiyong pa tuli aluli ta senzür, shiruru Yeriko lenmang nung kenu ajungpena Yihuda nunger-i taxes department commissioner ka tenüng agi Zakai, ni yihuji reprangdangtsü pai mulongsoa mongudongi tur kibuba yisu reprang. Iba anogo Yisu par kidangi ayaketa atu, aser zakai tekümtet angu. pa kotaker tamangrong nung menogo. Anüdoklen aliba kangadang tashi temeteter lima Ukrine lima evangelist ka tenüng agi Nick Vujici arushi küm 33 pa tetsüng, teben maket pai ashi, ni Russia nung Gonda 40 shi among pa Russia president den (Vladimir Putin) den majuruteptet, Ukrine limai arur, Kyiv Ukrine nung nisung 80,00,000 tashi adenshidak tsüngrem o jembiba kibuba Yisu den jajatsü pei temenen nangzüka nisung million junga kibuba yisu agizükdaktsü, otsü agi ashi pa tasodang yamaidang aso. Osang zulurtemi ashir alima kin 63 tashi senzüogo, pa 12 Feb, 2012 Kanae Miyahara den kibong aküm. Tena num tsungremi chabaso ana tetsür chano ana moatsü. Par kibong California nung alir. alima nung tsüngremer sayatenya mapa tesüngmangtsüka inyakba mapang ka lir. yagi sayur kibuba anogo anasa lir. adianutem Daniel ainkeri shinba ama tajungerji peisasaa tajungba küma aotsü tamajungerji tamajungba tamajungba küma aotsü. O tanaba agi osang tajung ken indang aser osangtajung laishiba o aiben medongshitepa zulur, saka ya memelenshitsü. Kechiyong küdak, nudak kotak temaba nungi yokba tanüla temishi (page 12 lst line) dangbaji melira alima shisatsü, alima tukolok jagidangbo kotak yimli mapaji apensaa meinyaktettsü.
Khrista Yisu dak amanga, kotak menungra amangertem tanü asenok ya tesüngmangtsü süngkümpong lenmang kati mejakoka ayiba anogo ka lir. Na koba sungkumpongleni ayir? Shisadangtsü, belemdangtsü anogo ji tanü ya lir. Isak semchir nungi jakzükba Nostradamus, shienba o tem tamarentsür Indira Gandhir kibong nung atalokogo. Kibuba Yisu shienbatem ajak ataloka tenzüker, pai kenü yamai jembi kibuba, kibuba ta kü dang ajar shia kotak yimli maittsü. Kikumpang shidakba, teindangba-i aitter ni tenüng teta ajatsü. Anungji temeim adianutem asenok temulong meyipa agidangbo meperi, asenok tzü nung tzüsenba agidangbo meperi. Khrista nung shi tasü akümba jenjang koda shi tasü tenjang nung lia asüngteta taküm yimya nung asüngeteta yipden asüngteta lir mali, temishi langpang nung asüngteta lir mali, temishi sarasadem nung asüngteta lir mali. asenok tamangertemi oh! kibuba na along aser onok moajang ta sarasademer, ano onok alimadangi aodang nai nukang ta sarasademer, na marur lira ta jembia sarasademer, amen ta ajaki ashir saka temeim adianutem, item sarasadem o jagi temulong yirur kokroker, mena alila, kokroker mena alisang tesempatsü ka ajok amer nüptsü pangtsü agi yimpanger tekülem kidang kinüklen tangar sentepseper arua atongsemba, amitsür, tantsür, tambur khrista tanüla akaba nisungtem temulongjang yirur, kechiyong aji alima shisatsü temeja tekolok techira sarasadem lir. Nü sarasadem mesaputsü. Saka tanüla nung nüksü yima jipa khuret benja sarasademba yongyar menungrar tsüngremi aginer.
Kenü anogo Mosadak yamia atalok. Het nunger Amor nunger den rara aotsü atema rongrong tulu adok, saka Nun jabaso Hosea, Tefune jabaso Kaleb nunger dak alaker Israel nunger shiangaia rarai aotsü memulong. Ya ngur tsüngrem kanga jashia ashi, Mosa nai anir aruba ajak ya wara agi ni tepsetsü, ni samatsütsü. Iba o angashia Mosai lumia mangyima yamaji nungma ta tsüngrem dang sarasadem nung kibuba tsüngrem temulong nung kongshia aküm. Tsüngremi langzü “Mosa ne o amato ni tai tokogo. Zu. 14:20” Iba sarasadem oji atamata masü o tulu liasü. Kibubai kü temshiba yari kü nem sempet agutsü. Kü teka merukba yari pai kü nem meyipa agütsü. TK. 18:20. Asenok molungsentsü temeruk sarasademji tsüngremi bushir. Na temeruk aser tindang lira atangji pai na tepu akümtsü. Yob 8:6. Küm 20 shi ogo, yimjung yim kar nung sarasademi takar kibong ka den anidaka atu. Meyipa shildang dang undergroundner telok kati onok soet. Parnok tanishisang Capt. Anasa or sepoy 3 day ni nemeter sarasademtsü nung sepoy anabo nüktsü ayim, nibo Ao agi sarasaem. Tanishisangi baba hoishi japi ta shai mela nung onok pelashishia apuso. Tsüngrem nüm tenüngsang agüja ki atong. Asenok temulong raksaa sarasademba tsüngremi aginer aser pa meim o asen dangi jungkai adokdang asenok temulong nung tepela tesünep agi asünger aser chijiba pa chir, mesametetba senmangertemji asenok akümer.
Kenu anogo yihuda nunger tashi temeteter ka kibuba yisu dangi ni teti taküm angutsü asoshi kechi inyaktsü ta aru (for eternal life) kibuba yisu-i teinyaktsü ajak ashinung kibuba ni item ajak lanuwa nungi inyaka arur, oda ni kechi agi madoksa? Ta pa tamangji tapensaba konang aginua aruba liasü. asüküm o tulu jembir senshi. Konang aginüa tenüngsang aginüa tenla tenlatepa, junger ta shidaktsünüa tsüngremer mapa inyakba tsüngremi sempar. Tawa Washington yimti nungi Billy Graham arushi kü 99 tabensa nung asüba osang osang kaket nung Billy Graham America pastor süogo ta prokshi. Alima pa ama nungtogo sayutsüngir soteta mali, saka kanga mechi menu anchanu asüba memeyong osang sangdongogo. Tsüngremi ibala jidang meimer. Tanü alima nung pei pei-i aaruba konang Rev, Doctor, missionary, evanglist, missionary at large, iba yagi arogo konang, mongdang konang, yimer konang, kinunger konang bener arutsür. Lustra nung Missionary Poul dang, merkuri dang jupiter aja, saka temeim adianu, kibuba yisui apuba kangki, Kurini nunger Simon Alexander o Rufo na tebu shiba Kia nungi aruya ali kibuba yisu kangki kangshiaka pai apulokdang, iba kangkiji kibubai bener ogo. Pai toktsüba kangkiji nuportemi tetsüng tesa agi ajemshiba, terongdong nung pei pur-i metsü metsüloktsüba, pei akümli, shi tasü kümer tajipertemden jiptepa, tangar-i memeteti samaba san asoshi temulong aria belemba ??????////agi sarasademertemi
Alemli Japa yimtak, Peter angjon meshi mapang kilem ma nung sarasademdang kibubai semdangba ama semdangtsüsa alima nung leper mali tsüngrem tenzüker kar lir, itemji Dr.C.E.Hunter Indian Ocan nung punger yok. Shibai Aokin asoshi kanga ajip. Anü yir oagi yisu den iba ken tena tzüyimi bener oadok. Adonram Judson Bruma lima, pei apuani rema toktsü pei chala rema toktsür Burma nupor asoshi jipten ajipsang kibubar lu nung tasemer mali ala-ashisang azüng lu munger terepranger mali, pei temang atema jajasang Burma lima arogo 63, missionary163, tamanger 7000 kibubar lu nung renema yutsür pei temang atema Africa lima Mauritius nunger bushi aodang tzüyim rong lendong nung pa taküm sama. Kibubar lu nung inyaka lia pa taküm bener ogo.